ᑐᑭᓯᒪᒍᑎᑦᓴᐅᒋᐊᓖᑦ
ᓱᓇᒥᑦᓯᐊᑐᐊᕐᐸᑕ ᕿᓄᒍᑎᓕᐊᒍᓯᒪᔪᑦ ᐃᑲᔪᕐᓯᓗᑐᖃᑦᑕᕋᔭᕐᑐᑦ ᕿᒥᕐᕈᕆᐊᓕᖏᓐᓂᒃ ᑲᑎᒪᔩᑦ NMRIRB ᐃᓚᖃᕐᓗᑎᒃ ᐱᓇᓱᐊᕐᑕᐅᒍᒪᔪᓂᒃ, ᓇᓃᒐᔭᕐᓂᖓᓂᒃ, ᖃᓄᕐᓗ ᐱᓇᓱᐊᕐᑕᐅᒐᔭᕐᓂᖓᓂᒃ, ᖃᓄᓪᓗᐊᑎᒋᓪᓗ ᐱᓇᓱᐊᕐᑕᐅᒋᐊᖃᕐᓂᖓᓂᒃ ᐊᓯᖏᓐᓂᓗ ᕿᒥᕐᕈᕈᑎᑦᓴᐅᒐᔭᕐᑐᓂᒃ ᓱᕐᕃᓂᖃᕋᔭᕐᓂᖓᓂᒃ ᐱᓇᓱᑦᑕᐅᒍᒪᒐᔭᕐᑑᑉ.
ᒫᑦᓯ 2022-ᒍᖕᖏᓂᖓᓂ, ᑕᑲᒃᑯᐊ ᕿᓄᒍᑎᑦᓴᓕᐊᒍᓯᒪᔪᑦ ᑐᑭᓯᒪᐅᑎᑦᓴᐅᒋᐊᓕᓐᓂᒃ ᕿᓄᒍᑎᓕᐅᕐᑐᓄᑦ.
ᐱᓇᓱᑦᑕᐅᒍᒪᔪᓂᒃ ᕿᓄᒍᑏᑦ ᑐᑭᓯᓇᑦᓯᐊᑲᓪᓚᑐᐃᓐᓇᑐᑦᓴᐅᕗᑦ ᑲᑎᒪᔨᓄᑦ NMRIRB ᓇᐅᑐᐃᓐᓇᓄᓪᓗ ᑐᑭᓯᔭᐅᒍᓐᓇᓗᑎᒃ ᕿᓄᒍᑎᓕᐊᒍᓯᒪᔪᑦ ᖃᓄᕐᓗ ᓱᕐᕃᓂᕆᑐᐃᓐᓇᕆᐊᓕᖏᑦ ᐊᐅᓚᑕᐅᔪᑦᓴᐅᒪᖔᑕ ᕿᓄᒍᑎᓕᐅᕐᑐᓄᑦ.
ᑲᑎᒪᔩᑦ ᕿᒥᕐᕈᖃᑦᑕᓛᕐᑐᑦ ᐱᓇᓱᐊᕐᑕᐅᒍᒪᔪᓂᒃ ᓄᓇᓂ ᐅᕝᕙᓘᓐᓃᑦ ᓄᓇᕕᐅᑉ ᐃᒪᖓᓂ. ᖃᐅᔨᒪᔭᐅᖁᔨᔪᒍᑦ, 80%-ᖏᑦ ᕿᑭᕐᑌᑦ ᓄᓇᕕᐅᑉ ᐃᒪᖓᓂ ᓇᒻᒥᓂᕆᔭᐅᒻᒪᑕ (ᑳᖓᒍᑦ ᐃᑭᐊᖓᒍᓪᓗ) ᒪᑭᕝᕕᒃ ᑯᐊᐳᕇᓴᒧᑦ ᑭᒡᒐᑐᕐᑐᓄᑦ ᓄᓇᕕᒻᒥᐅᓂᒃ ᐃᓄᓐᓂᒃ. ᓄᓇᖓᓂᒃ ᑖᒃᑯᐊ ᕿᑭᕐᑌᑦ ᓇᒻᒥᓂᖃᕋᒥᒃ, ᕿᑭᕐᑕᓃᑦᑐᐃᓗ ᐃᓚᖏᓐᓂᒃ, ᒪᑭᕝᕕᒃ ᐃᑎᕈᓐᓇᐅᑎᒥᒃ ᐊᑐᕈᓐᓇᐅᑎᒥᓪᓗ ᐱᒍᓐᓇᐅᑎᑖᕐᕕᐅᖃᑦᑕᕆᐊᖃᕐᐳᑦ ᐱᓇᓱᐊᕈᒪᔭᒥᓂᒃ ᕿᓄᒍᑎᓕᐅᕐᓯᒪᔪᓄᑦ ᐊᒻᒪᓗ ᐱᖁᔭᑎᒍᑦ ᓵᑕᑦᓴᐅᖏᓐᓂᕋᐅᑎᑦᓴᑖᕐᓯᒪᒋᐊᖃᕐᓱᑎᒃ ᕿᓄᒍᑎᓕᐅᕐᓯᒪᔪᑦ ᐱᑎᑕᐅᓯᒪᒍᑎᒃ ᐃᑎᕈᓐᓇᐅᑎᒥᒃ ᐊᑐᕈᓐᓇᐅᑎᒥᓪᓗ ᓄᓇᕕᒻᒥᐅᑦ ᐃᓄᐃᑦ ᓄᓇᖓᓂᒃ (NIL). ᐊᒻᒪᓗ, ᒪᑭᕝᕕᒃ ᐊᖏᖃᑎᒌᒐᓱᐊᖃᑕᐅᒍᓐᓇᕕᖃᕐᒪᑦ ᒪᓕᑦᑕᐅᒋᐊᓕᓐᓂᒃ ᐊᖏᖃᑎᒌᒐᓱᐊᖃᑕᐅᒋᐊᖃᕐᑐᕆᒍᓂ.
