ᑐᑭᓯᒪᒍᑎᑦᓴᐅᒋᐊᓖᑦ
ᐃᓗᐃᒃᑲᓯᐊᓂᑦ ᐱᓇᓱᑦᑕᐅᒍᒪᔪᓂᑦ ᐅᓐᓂᑑᑎᓕᐅᕐᓯᒪᒋᐊᖃᕐᖁᑦ ᐃᑲᔪᕐᓯᓂᐊᕐᒪᑕ ᓄᓇᕕᐅᑉ ᑕᕆᐅᖁᑎᖓᑕ ᓱᕐᕋᑕᐅᓂᖓᓂᒃ ᕿᒥᕐᕈᔩᑦ ᑲᑎᒪᔩᑦ ᕿᒥᕐᕈᓂᖏᑦᑕ ᖃᓄᐃᓗᕈᓯᕆᓲᖏᓐᓂᑦ ᐃᓗᓕᐊᕆᐊᖃᕐᓱᑎᓗ ᑐᑭᓯᒪᔭᐅᒋᐊᓕᓐᓂᒃ ᐱᓇᓱᐊᕐᑕᐅᔪᑦᓴᓕᐊᖑᒐᓱᑦᑐᓱᓕᖓᔪᓂᒃ, ᐅᓐᓂᑑᑎᓕᐊᖑᔪᖅ ᓇᓂᓐᓂᐊᒪᖔᑦ, ᖃᓄᖅ ᐃᓂᕐᕋᑎᑕᐅᓂᐊᕐᒪᖔᑦ ᐱᓇᓱᑦᑕᐅᒐᓱᑦᑐᖅ, ᖃᓄᓪᓗᐊᑎᒋᒃ ᐊᑯᓂᕐᓂᐊᒪᖔᑕ ᐱᓇᓱᑦᑕᐅᔪᑦᓴᓕᐊᓕᒫᑦ ᑕᒪᒃᑯᓄᖓᓄᓕᖓᔪᑦ ᐃᓚᖃᕐᓗᑎᓗ ᑐᑭᓯᒪᔭᐅᒋᐊᖃᕐᒥᔪᓂᑦ ᐃᑲᔪᕐᓯᒍᑎᐅᓂᐊᕐᑐᓂᒃ ᕿᓂᕐᕈᓂᕐᒥ ᓱᕐᕃᒍᑎᐅᑐᐃᓐᓇᕆᐊᓕᓐᓂᒃ ᐅᓐᓂᑑᑎᓕᐊᖑᔪᓂ ᐱᓇᓱᑦᑕᐅᓂᖏᓐᓂᑦ.
ᐱᓇᓱᑦᑕᐅᔪᑦᓴᓂᑦ ᐅᓐᓂᑑᑎᓕᐊᖑᔪᑦ ᐊᓪᓚᑕᐅᔪᑦᓴᐅᕗᑦ ᐅᖃᐅᓯᕐᓂᑦ ᑐᑭᓯᓇᕐᑐᓂᑦ ᐊᑐᕐᓗᑎᑦ ᐃᓗᓕᑕᖏᓐᓂᑦ ᐊᓪᓚᓯᒪᑦᓯᐊᓗᑎᑦ ᓄᓇᕕᐅᑉ ᑕᕆᐅᖁᑎᖓᑕ ᓱᕐᕋᑕᐅᓂᖓᓂᒃ ᕿᒥᕐᕈᔩᑦ ᑲᑎᒪᔩᑦ ᑭᓇᓕᒫᒃᑯᓗ ᑐᑭᓯᑦᓯᐊᕈᓐᓇᓂᐊᕐᒪᑕ ᓱᓇᐅᓂᖓᓂ ᐅᓐᓂᑑᑎᓕᐊᖑᔪᒥ ᐱᓇᓱᑦᑕᐅᔪᑦᓭᑦ ᖃᓄᕐᓗ ᓱᕐᕃᑐᐃᓐᓇᕆᐊᖃᕐᓂᖏᑦ ᐊᐅᓚᑕᐅᒐᔭᕐᓂᖏᑦ ᐅᓐᓂᑑᑎᓕᐅᕐᑐᒧᑦ.
ᐅᓐᓂᑑᑎᓕᐅᕐᑐᑦ ᐅᒃᑯᐃᓯᓪᓚᕆᒋᐊᖃᕐᖁᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᓂ ᓄᓇᕕᐅᑉ ᑕᕆᐅᖁᑎᖓᑕ ᓱᕐᕋᑕᐅᓂᖓᓂᒃ ᕿᒥᕐᕈᔩᑦ ᑲᑎᒪᔩᑦ ᑕᑕᕐᓭᓗᑎᑦ ᐅᓐᓂᑑᑎᓕᐅᕐᑐᐃᑦ ᑕᑕᕐᓴᒋᐊᓕᖏᓐᓂᑦ ᐅᕙᓂ ᑕᑯᓗᒍ:
https://www.nmrirb.ca/portal/login.aspx
ᐃᓗᓐᓈᒍᕐᑐᓄᓕᖓᔪᓂᑦ ᑐᑭᓯᒪᔭᐅᒋᐊᓕᓐᓂᑦ, ᓄᓇᕕᐅᑉ ᑕᕆᐅᖁᑎᖓᑕ ᓱᕐᕋᑕᐅᓂᖓᓂᒃ ᕿᒥᕐᕈᔩᑦ ᑲᑎᒪᔩᑦ ᐅᑯᓂᖓ ᑭᖕᖑᒪᑦᓯᕗᑦ:
ᐱᓇᓱᑦᑕᐅᒐᓱᑦᑑᑉ ᓄᓇᖕᖑᐊᖓ – ᖃᕆᑕᐅᔭᑎᒍᕐᑐᒥᒃ shapefiles (ᐅᕝᕙᓗᓐᓃᑦ ᖃᕆᑕᐅᔭᒥ ᐱᔪᒥᒃ – shapefiles ᐃᓱᐊᕆᔭᐅᓂᕐᓴᖅ) ᐱᓇᓱᑦᑕᐅᑦᓴᔪᓕᒫᓂᑦ ᐃᓚᐅᑎᓪᓗᒋᑦ ᐅᒥᐊᕐᔪᐊᑦ ᐃᓂᕐᕋᕕᒋᖃᑦᑕᕋᔭᕐᑕᖏᑦ, ᓯᓂᑦᑕᕕᐅᖃᑦᑕᕋᔭᕐᑐᐃᑦ, ᓴᓗᒻᒪᓭᕖᑦ, ᐅᔭᕋᕐᓂᐊᕕᐅᒐᔭᕐᑐᐃᑦ ᓄᓀᑦ, ᐊᓯᖏᓪᓗ. ᐱᓇᓱᐊᕐᑕᐅᔪᓕᒫᑦ ᐃᒻᒥᒍᕐᑐᓂᑦ ᓴᓇᒪᓂᖃᕐᓗᑎᑦ /shapefile-ᖃᕐᓗᑎᑦ;
ᑐᑦᓯᕋᐅᑎᓕᐅᕐᑐᖅ – ᑐᑦᓯᕋᐅᑎᐅᑉ ᐃᓗᓕᖏᑦ, ᐊᑎᖓ ᐱᓇᓱᑦᑕᐅᔪᑦᓴᐅᑉ, ᐱᓇᓱᑦᑕᐅᔪᑦᓴᖅ ᖃᓄᐃᑦᑑᓂᖓ (ᒪᙯᕝᕕᒃ, ᐅᐸᑦᑕᐅᒍᓐᓇᓂᖓ, ᒥᕐᖑᐃᓯᕐᕕᒃ, ᓄᓇᒃ ᓴᓗᒻᒪᓴᕐᑕᐅᔪᖅ/ᓱᒃᑯᓇᕐᑐᑕᓕᓐᓂᑦ ᐱᔦᓂᖅ, ᐊᓯᖏᓪᓗ;
ᐱᓇᓱᑦᑕᐅᔪᑦ – ᐊᓪᓚᓯᒪᔪᑎᓗᒋᑦ ᐱᓇᓱᑦᑕᐅᔪᑦᓴᓕᒫᑦ (ᒪᙯᕝᕕᐅᑉ ᓇᓂᓐᓂᖓ, ᐅᔭᕋᕐᓂᐊᕕᑦᓴᐅᒪᖔᑕ ᕿᒥᕐᕈᕕᐅᔪᑦ ᓄᓀᑦ, ᐊᓯᖏᓪᓗ;
ᓄᓇᓕᐅᑉ ᐃᓚᐅᓂᖓ – ᖃᓄᑐᐃᓐᓇᖅ ᓄᓇᓕᐅᑉ ᐃᓚᐅᓂᖓ, ᑲᑎᖕᖓᓃᑦ, ᑐᑭᓯᒪᔭᐅᒋᐊᓕᓐᓂᑦ ᐊᓪᓚᓯᒪᔪᓂᑦ ᐊᐅᓪᓚᑎᑦᓯᓂᖅ, ᐊᓯᖏᓪᓗ ᐃᓚᐅᑎᓪᓗᒋᑦ ᑎᒥᐅᔪᑦ ᑲᑎᔭᕕᓃᑦ ᐅᓪᓗᖓᓗ ᖃᐅᔨᒋᐊᕐᕕᐅᓂᕕᓂᖓ;
ᐊᖏᕐᑕᐅᒍᑏᑦ – ᓇᓪᓕᑐᐃᓐᓇᖏᑦ ᓄᓇᖁᑎᖓᓄᓕᖓᔪᑦ, ᑲᕙᒪᑐᖃᒃᑯᓂᑦ ᐱᒍᓐᓇᐅᑎᑖᕐᓃᑦ, ᐱᒍᓐᓇᐅᑏᑦ ᐊᖏᕐᑕᐅᒍᑎᓪᓗᓃᑦ ᐱᔭᐅᓯᒪᒋᐊᓖᑦ ᐱᓇᓱᑦᑕᐅᔪᑦᓴᐅᑉ ᑲᔪᓯᓂᑦᓴᖓᓄᑦ;
ᐃᓗᓕᖏᑦ – ᐱᓪᓗᑯᒋᐊᓕᑎᒍᕐᑐᓂᑦ ᐃᓗᓕᑕᖃᖕᖏᑐᑦ ᐱᓇᓱᑦᑕᐅᔪᑦᓴᓕᐊᑦ ᓱᓇᐅᓂᖏᓐᓂᑦ ᐊᓪᓚᓯᒪᔪᖅ, ᐱᓇᓱᑦᑕᐅᔪᑦᓴᐅᑉ ᐅᓪᓗᖁᑎᖏᑦ, ᐱᓇᓱᑦᑎᒋᒐᔭᕐᑕᖏᑦ, ᓯᓂᑦᑕᕕᒃ (ᒫᓐᓇᓯᐅᑎᒃ, ᐊᑌᓐᓇᑐᖅ, ᓄᓇᖓᓂ/ᓄᓇᖓᑕ ᓯᓚᑖᓂ, ᖃᓄᖅ ᐃᓂᕐᕋᓂᕆᒐᔭᕐᑕᖏᑦ (ᖃᖓᑦᑕᔫᖅ, ᐃᒪᒃᑯᑦ, ᓄᓇᑎᒍᑦ);
ᐱᖁᑏᑦ ᐊᑐᕐᑕᐅᓱᖕᖑᔪᑦ – ᐱᖁᑏᑦ ᐊᑐᕐᑕᐅᓱᖕᖑᔪᑦ, ᖃᓄᐃᑦᑐᓴᔭᐅᓂᖏᑦ ᐱᐅᒡᒍᑏᑦ ᐊᑐᕐᑕᐅᔪᑦ, ᐅᕐᓱᐊᓗᑦᑐᓂᖏᑦ, ᐊᑦᑕᓇᕐᑐᐃᑦ ᐱᖁᑏᑦ ᓱᒃᑯᓇᕐᑐᑕᓖᓗ;
ᐃᒪᕐᑐᓂᖅ – ᐃᒪᕐᑐᓂᖅ (ᐃᒪᕐᑖᓂᖅ ᓯᓂᑦᑕᕕᒻᒧᑦ, ᐃᒪᐅᑉ ᑰᓐᓂᖏᑦ, ᐊᖏᔪᕐᓚᓕᕆᔪᓂᑦ ᐱᑦᔪᑎᖏᑦ, ᐃᒪᐅᑉ ᑰᓐᓂᖓᓂᑦ ᓴᖑᑎᑦᓯᓂᖅ);
ᐃᒋᑦᑕᑯᐃᑦ – ᐃᒋᑦᑕᑯᓕᕆᓃᑦ, ᐅᑦᑑᑎᒋᓗᒍ ᐳᑑᕆᓂᖅ ᐊᒻᒪᓗ ᖃᓄᐃᑦᑑᓂᖓ ᐃᒋᑦᑕᑯᒃ ᐃᒪᖅ (ᓂᕆᐅᒋᔭᐅᔪᖅ ᖃᓄᐃᓪᓗᐊᓂᑦᓴᖏᑦ, ᖃᓄᖅ ᐃᒋᑦᓯᖃᑦᑕᓂᐊᕐᒪᖔᑕ, ᓴᓗᒻᒪᓭᒍᓰᑦ);
ᑐᑭᓯᒪᔭᐅᒋᐊᓪᓚᕆᐊᓖᑦ – ᓱᓇᐅᓂᖏᓐᓂᑦ ᐊᓪᓚᓯᒪᔪᑦ ᐊᕙᑎᖓᓃᑦᑐᓂᑦ (ᓄᓇᖁᑎᖓ, ᐱᕈᕐᑐᐃᑦ, ᐃᓅᖃᑎᒌᓐᓂᑯᑦ ᒪᑭᑕᒐᓱᐊᕈᑏᑦ), ᓇᓗᓀᕐᓗᒋᑦ ᓱᕐᕃᒍᑎᐅᔪᑦ ᐃᑯᓪᓚᑎᑦᓯᒍᑎᑦᓴᓕᐊᖑᒪᔪᐃᓗ, ᓄᐊᑦᑐᓂᑦ ᓱᕐᕋᑕᐅᒍᑎᓂᑦ ᓂᕆᐅᒋᔭᐅᔪᓂᑦ, ᐊᒻᒪᓗ ᓱᓇᓪᓗᑑᓂᖏᑦ ᑐᑭᓯᒪᔭᐅᒋᐊᓖᑦ ᖃᓄᐃᑦᑐᓂᑦ ᐱᓇᓱᐊᕐᓂᐊᓂᖏᓐᓂᑦ ᓇᓗᓀᕐᑕᐅᔪᕕᓂᕐᓂᑦ (ᐊᕐᖁᑏᑦ ᐊᕐᕌᒍᓕᒫᒥ ᐊᑐᕐᑕᐅᒍᓐᓇᑐᑦ ᐅᑦᑑᑎᒋᓗᒋᑦ);
ᓱᕐᕋᑕᐅᒍᑏᑦ – ᐱᓇᓱᑦᑕᐅᒐᓱᑦᑑᑉ ᖃᓄᐃᑦᑑᓂᖏᑦ ᓄᓇᖓᓂ (ᓄᓇᐅᑉ ᖃᓄᐃᑦᑑᓂᖓ, ᓄᓇᐅᑉ ᐃᑭᐊᓂ ᓯᑯᒃ, ᐊᓯᖏᓪᓗ) ᐱᕈᕐᑐᖏᑦ (ᐱᕈᕐᑐᐃᑦ, ᐆᒪᔪᐃᑦ) ᐊᒻᒪᓗ ᐃᓅᖃᑎᒌᓐᓂᑯᑦ ᑮᓇᐅᔭᑎᒍᑦ (ᐱᓇᓱᑎᖃᕐᑉᓂᖅ, ᐃᓄᐃᑦ ᐃᓗᓯᖏᑦ) ᓱᕐᕋᑕᐅᒍᑎᓂ ᓂᕆᐅᒋᔭᐅᔪᑦ;
ᐱᓇᓱᑦᑕᐅᔪᑦᓴᒧᓕᖓᔪᓂᑦ ᐊᓪᓚᓯᒪᔪᑦ
ᖃᕆᑕᐅᔭᑎᒍᑦ ᑕᑕᕐᓭᓂᖅ ᐅᔭᕋᕐᓂᐊᓂᓕᕆᓂᕐᒥᒃ ᐱᓇᓱᐊᕋᓱᑦᑐᒥᒃ ᖃᕆᑕᐅᔭᑎᒍᑦ ᓄᐃᑦᓯᓗᑎᑦ ᐱᓇᓱᑦᑕᐅᒐᓱᑦᑑᑉ ᐊᓪᓚᑕᐅᒪᒍᑎᖏᓐᓂᑦ ᐃᓗᓕᖃᕈᓐᓇᑐᑦ ᐃᑯᓪᓚᑎᑦᓯᒐᓱᓐᓂᓄᑦ ᐸᕐᓀᕈᑎᖏᑦ, ᐃᒋᑦᑕᑯᓂᑦ ᐊᐅᓚᑦᓯᓂᕐᒧᑦ ᐸᕐᓀᕈᑎᒃ, ᐊᑦᑕᓀᑦᑐᒥᒋᐊᖃᕐᓂᒧᑦ ᐸᕐᓀᕈᑎᒃ /ᐅᐃᒪᓇᕐᓯᔪᖃᕐᐸᑦ ᐸᕐᓀᕈᑎᒃ, ᐆᒪᔪᓂᑦ ᐊᕐᖁᑎᒋᓲᖏᑦᑕ ᐊᓯᐊᒍᕐᑎᓯᓂᕐᒧᑦ ᐸᕐᓀᕈᑎᖏᑦ, ᐊᓯᖏᓪᓗ.
ᓄᓇᕕᒻᒥ ᐃᓄᐃᑦ ᓄᓇᖁᑎᖏᑦ
ᓄᓇᕕᐅᑉ ᑕᕆᐅᖁᑎᖓᑕ ᓱᕐᕋᑕᐅᓂᖓᓂᒃ ᕿᒥᕐᕈᔩᒃ ᑲᑎᒪᔨᖏᑦ ᕿᒥᕐᕈᖃᑦᑕᓂᐊᕐᖁᑦ ᐱᓇᓱᑦᑕᐅᔪᑦᓴᓕᐊᖑᒐᓱᑦᑐᓂᑦ ᑕᒪᒋᓐᓂ ᐃᒪᕐᒥᑐᓂᑦ ᓄᓇᒥᑦᑐᓂᓗ ᓄᓇᕕᐅᑉ ᐃᒪᕐᐱᖁᑎᖓᓂ. 80% ᒐᓛᑦ ᓄᓇᖓᓂ ᓄᓇᕕᐅᑉ ᐃᒪᕐᐱᖁᑎᖓᓂ ᓇᒻᒥᓂᕆᔭᐅᕗᑦ (ᓄᓇᖓ ᐊᒻᒪᓗ ᓄᓇᐅᓗ ᐃᑭᐊᓂ) ᒪᑭᕝᕕᒃ ᑯᐊᐳᕆᓴᓐᒧᑦ ᑲᒪᒋᔭᖃᕐᓱᑎᑦ ᐱᒍᑦᔨᓱᑎᑦ ᓄᓇᕕᐅᑉ ᐃᓄᖁᑎᖏᓐᓂᑦ. ᓇᒻᒥᓂᖃᕐᓂᒧᑦ ᓄᓇᓂᑦ ᕿᑭᕐᑕᓂᑦ, ᐃᓚᖏᓐᓂᓗ ᕿᑭᕐᑕᓂᑦ, ᒪᑭᕝᕕᒃ ᑯᐊᐳᕆᓴᓐ ᐊᑭᓕᕐᑕᐅᓱᑎᑦ ᐱᒍᑦᔨᓱᑎᑦ ᐃᓄᓐᓂᑦ ᓄᓇᕕᒻᒥᐅᓂᑦ. ᓇᒥᓂᖃᕐᓱᑎᑦ ᕿᑭᕐᑕᓂᑦ ᑖᒃᑯᓂᖓ, ᐃᓚᖓᓂᓗ ᕿᑭᕐᑌᑦ, ᒪᑭᕝᕕᒃ ᑯᐊᐳᕆᓴᓐᑯᑦ ᓄᓈᕈᓐᓇᐅᑎᓂᑦ ᐱᑕᖃᕐᑎᓯᒋᐊᓖᑦ ᐱᓇᓱᐊᕈᒪᔪᓄᑦ ᐊᒻᒪᓗ ᓵᑦᓯᒍᓐᓇᓂᐊᖕᖏᑑᓂᕐᒧᑦ ᐊᓪᓚᓯᒪᔪᓂᑦ ᑐᓂᔨᓯᒪᒋᐊᖃᕐᓱᑎᑦ ᐱᓇᓱᐊᕈᒪᔪᐃᑦ ᓄᓈᓚᐅᕋᑎᑦ ᐊᖏᕐᑕᐅᓚᕋᑎᑦ ᓄᓇᕕᐅᑉ ᐃᓄᖁᑎᖏᑦᑕ ᓄᓇᖁᑎᖏᓐᓅᓚᐅᕋᑎᑦ. ᐅᓇᒋᐊᓪᓚᓗ, ᒪᑭᕝᕕᒃ ᑯᐊᐳᕆᓴᒻ ᐱᒍᓐᓇᕈᑎᖃᕐᓂᐊᖁᑦ ᐊᖏᖃᑎᒌᒐᓱᒍᓐᓇᓗᑎᑦ ᖃᓄᐃᓕᖓᓂᑦᓴᖏᓐᓂᑦ ᐃᓱᐊᕆᔭᒥᓄᑦ.
ᓄᓈᕈᓐᓇᐅᑎᒧᑦ ᐊᖏᕐᑕᐅᓂᕐᒧᑦ ᑕᑕᕐᓴᒐᖅ ᓄᓇᕕᐅᑉ ᐃᓄᖁᑎᖏᑦᑕ ᓄᓇᖏᓐᓄᑦ ᐅᕙᓃᑦᑐᖅ