ᓄᑭᖃᕐᕕᖓ

ᓄᓇᕕᐅᑉ ᑕᕆᐅᖓᓄᑦ ᐃᓚᒋᔭᐅᕗᑦ ᑕᕆᐅᓕᒫᖓ, ᕿᑭᕐᑌᑦ, ᓄᓀᑦ ᐃᒪᕐᓗ ᑭᓪᓕᓕᐅᕐᑕᐅᓯᒪᔪᒥ ᓇᓗᓀᒃᑯᑕᕐᑕᖏᓐᓂ 3-2 ᓄᓇᕕᒻᒥ ᐃᓄᐃᑦ ᓄᓇᑖᕋᓱᐊᕐᓂᒧᑦ ᐊᖏᖃᑎᒌᒍᑎᖓᓂ. ᓄᓇᕕᐅᑉ ᑕᕆᐅᖓᑕ ᑭᓪᓕᖓᓃᒻᒥᑎᓪᓗᒋᑦ ᐊᑦᔨᒌᑦᑐᒥᒃ ᐊᑐᕐᑕᐅᒍᓐᓇᑐᑦ ᓇᔪᕐᑕᐅᒍᓐᓇᑐᓪᓗ ᓄᓇᕘᕐᒥᐅᓄᑦ ᐃᓄᓐᓄᑦ, ᓇᒻᒥᓂᕆᔭᐅᖃᑕᐅᔪᓪᓗ ᐊᓪᓚᓄᑦ ᑯᔩᒃᑯᓄᑦ ᐄᔫ ᐃᑦᓯᒥᐅᓄᑦ. ᓄᓇᕕᐅᑉ ᑕᕆᐅᖓ ᐊᕕᑦᑐᑕᐅᓯᒪᓂᖃᕐᒥᓱᓂ ᐱᖓᓱᐃᓕᖓᔪᒥᒃ, ᓇᓗᓀᕐᑕᐅᓯᒪᔪᖅ ᐊ,  ᓇᓗᓀᕐᑕᐅᓯᒪᔪᖅ ᐸ, ᓇᓗᓀᕐᑕᐅᓯᒪᔪᖅ ᑕ.

ᓄᓇᕕᒃ ᐊᖏᓂᖃᕐᐳᖅ (660,000 square kilometers) ᓇᐹᕐᑐᖃᖕᖏᑐᒥ ᕿᐅᓐᓇᑑᑦᓱᓂᓗ ᖁᓛᓃᑦᓱᓂ 55 ᐃᑳᖓᔫᑉ ᑯᐯᒃᒦᓱᓂ. ᓄᓇᕕᒃ 1/3-ᓗᐊᕆᔭᐅᕗᖅ ᑯᐯᓕᒫᒧᑦ.

ᓇᓗᓀᒃᑯᓯᕐᑕᐅᓯᒪᓂᖓ ᐊ

ᓇᓗᓀᕐᑕᐅᓯᒪᔪᖅ ᐊ ᓄᓇᕕᐅᑉ ᑕᕆᐅᖓᑕ ᐃᓚᒋᔭᐅᕗᖅ ᐊᑦᔨᒌᑦᑐᒥᒃ ᐊᑐᕐᑕᐅᒍᓐᓇᓱᓂ ᓇᔪᕐᑕᐅᒍᓐᓇᓱᓂᓗ ᓄᓇᕘᕐᒥᐅᓄᑦ ᐃᓄᓐᓄᑦ, ᓇᒻᒥᓂᕆᔭᐅᖃᑕᐅᑦᓱᓂᓗ ᐊᓪᓚᓄᑦ ᑯᔩᒃᑯᓄᑦ ᐄᔫ ᐃᑦᓯᒥᐅᓄᑦ, ᑲᕙᒪᒃᑯᓗ ᓄᓇᑖᕆᓯᒪᔭᖓ ᐲᕐᑕᐅᓯᒪᑦᓱᓂ. ᑌᒣᒻᒪᑦ, ᓇᓗᓀᕐᑕᐅᓯᒪᔪᖅ ᐊ ᓄᓇᕕᐅᑉ ᑕᕆᐅᖓᑕ ᐃᓚᖓ ᓄᓇᕕᒻᒥᐅᓄᑦ ᐃᓄᓐᓄᑦ ᓄᓇᒋᔭᐅᕗᖅ. ᑭᓪᓕᓕᐅᕐᑕᐅᓯᒪᒍᑎᖏᑦ ᑕᑯᒋᐊᕋᑦᓴᐅᕗᑦ ᓄᓇᖕᖑᐊᑕᖓᓂ ᐅᖃᐅᓯᕐᑕᖏᓐᓂ  8-1 ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᖓᓂ ᐅᑯᐊ  www.nmrpc.ca .

ᓇᓗᓀᕐᑕᐅᓯᒪᔪᖅ ᐊ ᓄᓇᕕᐅᑉ ᑕᕆᐅᖓᑕ ᐃᓚᖓ ᐱᖓᓱᐃᓚᖏᖓᔪᓂᒃ (3) ᑲᕙᒪᒃᑯᓄᑦ ᓄᓇᑖᕐᕕᐅᓯᒪᕗᖅ. ᓇᓗᓀᕐᑕᐅᓯᒪᔪᖅ ᐊ ᓄᓇᕕᐅᑉ ᑕᕆᐅᖓᑕ ᐃᓚᖓᓂ, ᕿᑭᕐᑕᓰᑦ (ᑕᑯᓗᒍ ᓇᓗᓀᒃᑯᑕᕐᑕᖓᓂ 8-1ᐸ ᐊᖏᖃᑎᒌᒍᑎᐅᑉ NILCA) ᓄᓇᐅᕗᖅ ᖃᐅᔨᓴᕐᑕᐅᓯᒪᑦᓱᓂ ᓯᑦᔭᖓᓂ ᕿᑭᕐᑕᓰᑦ ᓄᕗᒻᒥ (ᐃᕗᔨᕕᐅᑉ ᑕᖅᕋᖓᓂ). ᐊᕐᐸᑑᖅ ᕿᑭᕐᑕᖅ ᐅᖓᕙᒦᑦᑐᖅ ᐱᖓᓱᐃᓂᒃ ᖃᐅᔨᓴᕐᑕᐅᕕᖃᕐᓯᒪᕗᖅ ᑲᕙᒪᒃᑯᓄᑦ ᓄᓇᑖᕐᕕᐅᓯᒪᔪᓂᒃ. ᓇᓗᓀᒃᑯᑕᕐᑕᖓᓂ 8-1ᑕ ᐊᖏᖃᑎᒌᒍᑎᐅᑉ NILCA ᓄᐃᑕᑎᑦᓯᕕᐅᕗᖅ ᓇᓗᓀᕐᑕᐅᓯᒪᔪᒥᒃ ᐃᓚᐅᑎᑕᐅᑎᓐᓇᒍ Parcel 1, ᓇᓗᓀᒃᑯᑕᕐᑕᖓᓂ 8-1ᑲ ᓄᐃᑕᑎᑦᓯᕕᐅᑎᓪᓗᒍ ᓇᓗᓀᕐᑕᐅᓯᒪᔪᒥᒃ ᐃᓚᐅᑎᑕᐅᑎᓐᓇᒍ Parcel 2. Parcel 3 ᐊᕐᐸᑑᒥ ᓇᓗᓀᕐᑕᐅᓯᒪᔪᖅ ᒥᑭᔫᑦᓱᓂ ᓂᒡᒋᓗᐊᖓᓂ ᕿᑭᕐᑕᐅᑉ ᑲᕙᒪᒃᑯᓄ ᓄᓇᑖᕆᔭᐅᓯᒪᒻᒥᔪᖅ ᐃᓱᒫᓗᒋᔭᐅᓂᖓᓄᑦ ᐊᕙᑎᖓᑕ.

ᓇᓗᓀᒃᑯᓯᕐᑕᐅᓯᒪᓂᖓ ᐸ   

ᓇᓗᓀᒃᑯᓯᕐᑕᐅᓯᒪᔪᖅ ᐸ ᓄᓇᕕᐅᑉ ᑕᕆᐅᖓᑕ ᐃᓚᖓ ᐃᓚᒋᕙᐅᒃ ᓄᓇᕕᐅᑉ ᑕᕆᐅᖓᑕ ᐊᑦᔨᒌᑦᑐᒥᒃ ᐊᑐᕐᑕᐅᒍᓐᓇᓱᓂ ᓇᔪᕐᑕᐅᒍᓐᓇᓱᓂᓗ ᓇᒻᒥᓂᕆᔭᐅᖃᑕᐅᔪᑦᓱᓂᓗ ᐊᓪᓚᓄᑦ ᑯᔩᒃᑯᓄᑦ ᐄᔫ ᐃᑦᓯᒥᐅᓄᑦ. ᓄᓇ ᓇᓗᓀᒃᑯᓯᕐᑕᐅᓯᒪᔪᓕᒫᖅ ᐸ-ᒥᒃ ᓇᒻᒥᓂᕆᔭᐅᖃᑕᐅᕗᖅ ᐃᓄᓐᓄᑦ ᐊᓪᓚᓄᓪᓗ ᑯᔩᒃᑯᓄᑦ ᑕᑲᒃᑯᐊ ᐃᓚᐅᑎᓐᓇᒋᑦ:

• ᑕᑭᔪᐊᕐᕈᒃ ᓄᓇᒥᒃ ᓇᓗᓀᕐᓯᒍᑎᒃ 164 ᒪᓕᑦᓱᒍ, ᓄᓇᕘᒥ ᓄᓀᑦ ᐊᑦᓯᔭᐅᓯᒪᕕᖓᓂ;

ᓇᓗᓀᒃᑯᓯᕐᑕᐅᓯᒪᓂᖓ ᑕ

ᓇᓗᓀᒃᑯᓯᕐᑕᐅᓯᒪᔪᖅ ᑕ ᓄᓇᕕᐅᑉ ᑕᕆᐅᖓᑕ ᐃᓚᖓ ᐃᓚᒋᕙᐅᒃ ᓄᓇᕕᐅᑉ ᑕᕆᐅᖓᑕ ᐊᑦᔨᒌᑦᑐᒥᒃ ᐊᑐᕐᑕᐅᒍᓐᓇᓱᓂ ᓇᔪᕐᑕᐅᒍᓐᓇᓱᓂᓗ, ᑭᓯᐊᓂᓕ ᐊᖏᓂᕐᓴᐅᒪᔪᒥᒃ ᐊᓪᓓᑦ ᑯᔩᒃᑯᑦ ᓇᒻᒥᓂᖃᕐᐳᑦ, ᑕᑲᒃᑯᐊ ᐃᓄᐃᑦ ᓄᓇᖏᑦ ᐃᓚᐅᑎᓐᓇᒋᑦ:

1. 53°50’06” N ᖁᒻᒧᑦ ᐊᒻᒪᓗ 79°07’59” W ᓴᓂᒧᑦ;
2. 53°50’13” N ᖁᒻᒧᑦ ᐊᒻᒪᓗ 79°04’11” W ᓴᓂᒧᑦ;
3. 53°49’46” N ᖁᒻᒧᑦ ᐊᒻᒪᓗ 79°04’27” W ᓴᓂᒧᑦ;
4. 53°49’40” N ᖁᒻᒧᑦ ᐊᒻᒪᓗ 79°05’00” W ᓴᓂᒧᑦ;
5. 53°49’25” N ᖁᒻᒧᑦ ᐊᒻᒪᓗ 79°05’35” W ᓴᓂᒧᑦ;
6. 53°49’31” N ᖁᒻᒧᑦ ᐊᒻᒪᓗ 79°07’20” W ᓴᓂᒧᑦ;
7. 53°49’49” N ᖁᒻᒧᑦ ᐊᒻᒪᓗ 79°08’00” W ᓴᓂᒧᑦ;

ᑐᑭᓯᓇᑦᓯᐊᖁᑦᓱᒍ, ᑕᑲᒃᑯᐊ ᐃᓚᐅᒋᕗᑦ ᕿᑭᕐᑌᑦ:

• ᐊᖓᔪᕐᖄᐅᑉ ᕿᑭᕐᑕᖓ: ᓄᓇᖕᖑᐊᒥ ᕿᑎᖓ ᒥᑦᓴᐅᓵᕐᓱᒍ  53°49’45” N  ᖁᒻᒧᑦ ᐊᒻᒪᓗ  79°06’00” W ᓴᓂᒧᑦ
• Sam Island: ᓄᓇᖕᖑᐊᒥ ᕿᑎᖓ ᒥᑦᓴᐅᓵᕐᓱᒍ 53°50’00” N ᖁᒻᒧᑦ ᐊᒻᒪᓗ 79°06’00” W ᓴᓂᒧᑦ; ᐊᒻᒪᓗ
• ᓇᑦᓯᐅᑉ ᕿᑭᕐᑕᖓ: ᓄᓇᖕᖑᐊᒥ ᕿᑎᖓ ᒥᑦᓴᐅᓵᕐᓱᒍ 53°49’45” N ᖁᒻᒧᑦ ᐊᒻᒪᓗ 79°07’30” W ᓴᓂᒧᑦ.