ᓱᕐᕋᑕᐅᓂᐅᔭᕐᑐᖃᕐᒪᖔᑦ ᕿᒥᕐᕈᓂᖅ ᑐᑭᓯᓇᕐᑎᑕᐅᔪᖅ ᐅᖃᐅᓯᕐᑕᖓᓂ 7-ᒦᑦᑐᓂ ᐊᖏᖃᑎᒌᒍᑎᐅᑉ NILCA. ᐱᕕᑦᓴᖃᕐᑎᓯᒍᑎᑕᖏᑦ ᐅᖃᐅᓯᕐᑕᖏᑦᑕ ᐱᒋᐊᕐᑎᑕᐅᔪᑦ ᐱᓇᓱᑦᑕᐅᒍᒪᔪᒥᒃ ᕿᓄᒍᑎᓕᐅᕐᑐᖃᑐᐊᕐᐸᑦ ᐱᒍᓐᓇᐅᑎᑖᕐᕕᐅᓲᓂᑦ ᑭᒡᒐᑐᕐᓱᑎᒃ ᕿᓄᒍᑎᓕᐅᕈᒪᓯᒪᔪᓂᒃ.
ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ (NMRIRB) ᑐᕌᒐᖃᕐᐳᑦ, ᐱᓇᓱᐊᕆᐊᓕᒥᓂᒃ ᐱᓇᓱᐊᕐᓗᑎᒃ ᓴᐳᒻᒥᒋᐊᖃᕐᓂᒥᒃ ᖃᐅᔨᒪᔭᐅᑎᑦᓯᒋᐊᖃᕐᓂᒥᓪᓗ ᒪᑭᑕᑦᓯᐊᕆᐊᖃᕐᓂᖏᓐᓂᒃ ᐃᓄᐃᑦ ᓄᓇᓕᒻᒦᑐᐃᓪᓗ ᓄᓇᕕᐅᑉ ᑕᕆᐅᖓᓃᓕᕈᑎᒃ, ᓴᐳᒻᒥᒋᐊᖃᕐᓂᒥᓪᓗ ᐆᒪᔪᐃᑦ ᓇᔪᓲᖓᓂᒃ ᓄᓇᕕᐅᑉ ᑕᕆᐅᖓᓂ, ᓱᓕᓗ, ᑲᑎᒪᔨᖏᑦ NMRIRB ᐃᓱᒪᒋᓕᐅᑎᓯᒪᒋᐊᖃᕐᓱᑎᒃ ᒪᑭᑕᑦᓯᐊᕆᐊᖃᖕᓂᖏᓐᓂᒃ ᑲᓇᑕᒥᐅᑦ ᓄᓇᕕᐅᑉ ᑕᕆᐅᖓᑕ ᓯᓚᑖᓃᑦᑐᑦ.
ᕿᓄᒍᑎᓕᐅᓲᑦ
ᐱᓇᓱᑦᑕᐅᔪᑦᓴᖁᑎᖃᕈᒪᔪᑦ ᓄᓇᕕᐅᑉ ᑕᕆᐅᖓᓂ ᕿᓄᒍᑎᓕᐅᕆᐊᓖᑦ ᓄᓇᕕᐅᑉ ᑕᕆᐅᖓᓂ ᐸᕐᓀᓂᕐᒧᑦ ᐱᓇᓱᐊᕐᑎᓄᑦ ᒪᓕᒐᑎᒎᑦᓯᐊᒪᖔᑦ ᐱᓇᓱᑦᑕᐅᒍᒪᔪᖅ ᐊᖏᕈᑕᐅᓯᒪᔪᓄᑦ ᓄᓇᐅᑉ ᐊᑐᕐᑕᐅᒍᓐᓇᓂᖓᑕ ᐸᕐᓀᕈᑎᑎᒍᑦ, ᐊᓱᐃᓛᒍᑦᓴᐸᑦ, ᐱᓇᓱᑦᑕᐅᒍᒪᔪᖅ ᖃᐅᔨᓴᕐᑕᐅᖏᑦᑑᖃᑕᐅᒋᐊᖃᕐᒪᖔᑦ ᕿᒥᕐᕈᖃᑦᑕᕆᐊᖃᕐᓂᖏᓐᓄᑦ ᑲᑎᒪᔩᑦ NMRIRB.
ᓇᐅᓕᒫᑦ
ᓇᐅᓕᒫᑦ ᐃᓚᐅᖃᑦᑕᑎᓪᓗᒋᑦ ᑲᖐᓱᑦᑎᓯᓂᖃᑦᓯᐊᕈᓐᓇᖃᑦᑕᓚᖓᕗᑦ ᑲᑎᒪᔩᑦ NMRIRB ᐱᓪᓚᕆᖁᑎᐅᔪᓂᒃ ᓱᕐᕋᑕᐅᒍᓐᓇᑐᓂᒃ ᕿᓄᒍᑕᐅᓯᒪᔪᓄᑦ ᐱᓇᓱᑦᑕᐅᒍᒪᒐᔭᕐᓱᑎᒃ. ᐃᓚᐅᑦᓯᐊᖃᑦᑕᓱᓂ ᐅᒃᑯᐃᖔᕐᓂᖃᑦᓯᐊᑐᒥᒃ ᐱᓇᓱᖃᑎᒌᑦᓯᐊᓂᕐᑕᓕᒻᒥᓗ ᐱᓇᓱᒍᓯᖃᕐᓇᓲᒍᕗᖅ ᓲᖑᓯᑎᑦᓯᒋᐊᕐᓇᑐᓕᒻᒥᒃ ᐱᑦᓯᐊᑕᐅᒋᐊᖃᕐᓂᖓᓂᒃ ᕿᒥᕐᕈᓂᐅᑉ ᑐᑭᓯᑎᑦᓯᒍᑎᑦᓯᐊᒍᓂᐊᕐᑐᒥᓪᓗ ᑐᑭᑖᕋᓱᐊᕆᐊᓕᓐᓂᒃ, ᑐᑭᑖᑦᓯᐊᕈᓐᓇᑐᖃᖃᑦᑕᓂᐊᕐᒪᑦ ᐱᐅᓂᕐᓴᓂᓪᓗ ᐱᓇᓱᐊᕐᑕᐅᔪᑦᓴᖃᖃᑦᑕᕈᓐᓇᓂᐊᕐᒪᑦ.