ᒪᓂᒐᑦᓴᓕᐅᕐᓂᖅ

ᐅᖃᐅᓯᑦᓴᓕᐅᖃᑦᑕᓂᖅ ᐊᑑᑎᖃᑦᓯᐊᓚᖓᔪᓂᒃ

ᑲᑎᒪᔩᑦ NMRIRB ᐱᓪᓚᕆᖁᑎᖃᕐᐳᑦ ᓇᐅᓕᒫᓂᒃ ᑐᓴᕐᕕᖃᕆᐊᖃᕐᓂᒥᒃ ᕿᒥᕐᕈᕈᑎᒥᓄᑦ ᐃᓕᒐᑦᓴᒥᓂᒃ. ᑕᑲᒃᑯᐊᑕᒐ ᐊᐱᕐᓲᑏᑦ ᐊᐱᕐᓲᑎᑦᓴᓕᐊᒍᓯᒪᔪᑦ ᑐᑭᒧᐊᒍᑎᑦᓴᓯᐊᒍᑦᓱᑎᓪᓗ ᐅᖃᐅᓯᑦᓭᑦ ᒪᓂᔭᐅᒋᐊᖃᓕᕐᐸᑕ ᕿᒥᕐᕈᕈᑎᑦᓴᓄᑦ:

1. ᓱᓇᓂᒃ ᐱᓪᓚᕆᖁᑎᖃᕐᐱᑦ ᐱᓇᓱᐊᕐᑕᐅᒍᒪᔪᒨᓕᖓᔪᒥᒃ ?

ᐱᓪᓚᕆᖁᑎᐅᔪᓄᑦ ᒪᑯᐊ ᐃᓚᐅᒍᓐᓇᒥᔪᑦ ᐆᒪᔪᐃᑦ ᐃᓚᖏᑦ/ᐅᓄᕐᓂᖏᑦ, ᐊᕙᑎᑦᑎᓅᓕᖓᔪᑦ (ᓄᓇ, ᐊᓂᕐᑎᕆᔭᕗᑦ, ᐃᒪᖅ), ᑕᑯᒥᓇᕐᓂᖓᓅᓕᖓᔪᑦ, ᐃᓅᓯᒃᑯᑦ/ᐃᓕᕐᖁᓯᒃᑯᓗ ᐱᓪᓚᕆᖁᑎᐅᔪᑦ (ᒥᑭᒋᐊᕐᓂᐊᖃᑦᑕᓂᖅ, ᐃᓅᓯᖅ),
ᐊᓯᖏᓪᓗ. ᖃᓄᖅ ᓄᓇᒥᒃ ᐊᑐᓲᒍᕕᑦ ?

2. ᑕᒪᒃᑯᐊ ᐱᓪᓚᕆᖁᑎᐅᔪᑦ ᖃᓄᖅ ᓱᕐᕋᑕᐅᒐᔭᕐᖃᑦ ᐅᕝᕙᓘᓐᓃᑦ ᐱᓇᓱᑦᑕᐅᒍᒪᔪᓄᑦ ᖃᓄᖅ ᓱᕐᕋᑕᐅᒐᔭᕐᖃᑦ, ᓱᒧᓪᓗ ?  

ᑐᑭᓯᓇᕐᑎᓯᒋᐊᕆᑦ ᖃᓄᖅ ᑕᒪᒃᑯᐊ ᐱᓪᓚᕆᖁᑎᐅᔪᑦ ᓱᕐᕋᑕᐅᒐᔭᕐᒪᖔᑕ ᐱᓇᓱᐊᕐᑕᐅᒍᒪᔪᓄᑦ ᑲᔪᓯᑎᑕᐅᓐᓂᐸᑦ ᐱᓇᓱᐊᕐᑕᐅᒍᒪᔪᖅ. ᖃᓄᖅ ᑕᒪᓐᓇ ᐊᑦᔨᒋᔭᐅᖕᖏᓂᕐᓴᐅᓕᕋᔭᕐᖃ ᑕᒐᑕᒐ ᖃᓄᐃᓕᖓᓂᖓᓄᑦ ?

3. ᐃᒣᑦᑑᒍᓐᓇᒥᔫᓚᒍᓐᓇᖀᑦ ᖃᓄᖅ ᓱᕐᕃᓂᐅᒐᔭᕐᑐᑦ ᐃᑯᓪᓚᑎᑕᐅᒐᔭᕐᒪᖔᑕ ᓱᕐᕃᓂᖃᖕᖏᑑᒐᔭᕐᐸᑕᓘᓐᓃᑦ ?.

ᐃᓚᐅᑎᑦᓯᐊᓗᒋᑦ ᖃᓄᓕᒫᖅ ᓱᕐᕃᓂᖃᖕᖐᑑᒍᑎᒋᒍᓐᓇᑕᖏᑦ ᐱᓇᓱᑦᑕᐅᒍᒪᔫᑉ, ᓱᒧᓪᓗ ᓱᕐᕃᓂᖃᖕᖏᑑᒍᓐᓇᑐᕆᒍᕕᒃᑭᑦ.

4. ᐃᓱᒫᓘᑎᒋᔭᑏᑦ ᑐᖕᖓᕕᖃᕐᐸᑦ ᐊᑑᑎᖃᑦᑕᓯᒪᔭᕐᓃᕕᑦ, ᖃᐅᔨᓴᕐᓂᐅᖃᑦᑕᓯᒪᔪᓂᓪᓗ ᖃᐅᔨᒪᔭᕐᓃᕕᑦ ᐅᕝᕙᓘᓐᓃᑦ ᑐᑭᓯᑎᑕᐅᒍᑎᒋᓯᒪᔭᕐᓃᕕᑦ ᐊᓯᓐᓄᑦ ?

ᑕᒪᓐᓇ ᐃᑲᔪᕐᓯᓚᖓᔪᖅ ᕿᒥᕐᕈᖃᑦᑕᓲᓂᒃ ᐃᓱᒪᑦᓴᓯᐅᕈᑎᖃᕐᓂᐊᑎᓪᓗᒋᑦ ᑐᑭᓯᑎᑦᓯᒍᑎᑦᓴᓯᓐᓂᒃ ᑭᖑᓂᖓᒍᓪᓗ ᖃᓄᐃᓕᖓᓕᕐᒪᖔᑦ ᖃᐅᔨᒋᐊᕈᑎᑦᓴᕆᓂᐊᕐᓱᒋᑦ ᐊᐱᕐᓱᖃᑦᑕᓂᒃᑯᑦ, ᒋᐊᖃᓕᕈᑎᒃ.