ᑲᑎᒪᔩᑦ NMRIRB ᑐᓴᕋᑦᓴᖃᕐᕕᖏᑦ ᓀᓈᕐᑎᓯᒪᔪᓂᒃ ᑐᓴᕋᑦᓴᑕᖃᑐᐃᓐᓇᕆᐊᓖᑦ, ᐅᖄᖃᑎᒌᕝᕕᓂᓪᓗ, ᑐᓴᕋᑦᓴᖃᕐᕕᓕᐅᕐᓯᒪᖃᑎᒌᕝᕕᓂᒃ, ᑲᑎᒪᓂᕐᓅᓕᖓᔪᓂᒃ, ᓄᓇᓕᓐᓅᓕᖓᔪᓂᒃ ᐊᓯᖏᓐᓂᓘᓐᓃᑦ ᑐᓴᐅᒪᑎᑦᓯᒍᑎᓂᒃ ᑐᓴᐅᒪᖃᑎᒌᕝᕕᓴᓂᓪᓘᓃᑦ ᓇᐅᓕᒫᓂᒃ ᑐᓴᐅᒪᑎᑦᓯᒍᑎᑦᓴᓯᓐᓂᒃ, ᑐᓴᐅᒪᑎᑦᓯᒍᑎᑦᓴᓂᓪᓘᓃᑦ  ᑲᑎᒪᔨᖏᓐᓂᒃ NMRIRB ᐱᓇᓱᑦᑕᐅᔪᑦᓴᖁᑎᓅᓕᖓᔪᓂᒃ ᓄᓇᕕᐅᑉ ᑕᕆᐅᖓ ᐱᓪᓗᒍ ᐅᕝᕙᓘᓐᓃᑦ ᐱᓇᓱᖃᑎᒌᒍᑎᓖᑦ ᐱᓪᓗᒋᑦ (ᐃᓘᓐᓈᒍᑦ, ᑐᓴᐅᒪᖃᑦᑕᐅᑎᓂᕐᒥᒃ ᐱᒍᑦᔨᐅᑏᑦ), ᐊᖏᕈᑎᖃᕐᓯᒪᓂᐊᕐᑎᓗᑎᑦ ᑐᓴᐅᒪᖃᑦᑕᐅᑎᓂᕐᒥᒃ ᐱᒍᑦᔨᐅᑎᓂᒃ ᐊᑐᖃᑦᑕᓂᐊᕐᓗᒋᑦ ᒪᑯᓄᖓᑐᐊᖅ ᐊᑐᐊᕋᑦᓴᓕᐅᕈᒪᒍᕕᑦ, ᐊᓪᓚᕕᖃᖃᑦᑕᕈᒪᒍᕕᑦ ᐊᓪᓚᕕᐅᖃᑦᑕᕈᒪᒍᕕᓪᓗ, ᐊᑐᐊᕋᑦᓴᓂᒃ ᑐᑭᓯᒪᐅᑎᑦᓴᓂᓪᓗ (ᐃᓘᓐᓈᒍᑦ, ᒪᓂᔭᐅᓯᒪᔪᓂᒃ) ᑐᓴᐅᒪᖃᑦᑕᐅᑎᓂᕐᒥᒃ ᐱᒍᑦᔨᐅᑎᓅᓕᖓᔪᓂᒃ. ᐆᑦᑐᕋᐅᑎᑦᓯᐊᒍᓂᒃᑯᑦ, ᐱᕕᑦᓴᖃᑦᓯᐊᑎᑦᓯᓂᒃᑯᑦ, ᐊᖏᕈᑎᖃᕐᓗᑎᑦ ᑐᓴᐅᒪᖃᑦᑕᐅᑎᓂᕐᒥᒃ ᐱᒍᑦᔨᐅᑎᓂᒃ ᐃᒣᖃᑦᑕᕈᓐᓀᓗᑎᑦ:

(a) ᒥᑭᓪᓕᑎᕆᖃᑦᑕᕈᓐᓀᓗᑎᑦ, ᐊᑐᕐᓂᓄᖃᑦᑕᓂᐊᕈᓐᓀᓗᑎᑦ, ᐸᕝᕕᓴᕐᓂᖃᑦᑕᕈᓐᓀᓗᑎᑦ, ᒪᓕᑲᑦᑕᖃᑦᑕᕈᓐᓀᓗᑎᑦ, ᑲᑉᐱᐊᓵᕆᖃᑦᑕᓂᐊᕈᓐᓀᓗᑎᑦ ᐊᓯᐊᒍᓪᓘᓃᑦ ᐱᖁᔭᑎᒍᑦ ᐱᒍᓐᓇᐅᑎᒋᔭᖏᑦᑕ ᓯᓚᑖᒎᕆᐊᖃᑦᑕᕈᓐᓀᓗᑎᑦ (ᐆᑦᑐᕋᐅᑎᒋᑦᓱᒋᑦ ᐱᒍᓐᓇᐅᑏᑦ ᐃᒻᒥᓂᕐᓱᕈᓐᓇᕆᐊᖃᕐᓂᒧᑦ ᐱᒍᓐᓇᐅᑏᓪᓗ ᓇᐅᓕᒫᓄᑦ ᑐᓴᐅᒪᔭᐅᑎᑦᓯᒋᐊᖃᕐᓂᒧᑦ);

(b) ᐊᑐᐊᕋᑦᓴᓕᐅᖃᑦᑕᕈᓐᓀᓗᑎᑦ, ᓄᐃᑕᑎᑦᓯᖃᑦᑕᕈᓐᓀᓗᑎᑦ, ᖃᕆᑕᐅᔭᒥᑦ ᓄᐃᑦᓯᖃᑦᑕᕈᓐᓀᓗᑎᑦ, ᓯᐊᒻᒪᑎᑦᓯᖃᑦᑕᕈᓐᓀᓗᑎᓪᓘᓃᑦ ᓈᒻᒪᓈᖕᖏᑐᓂᒃ, ᓲᓱᑦᓴᖏᕙᓪᓛᓂᕐᓂᒃ, ᐊᓪᓚᓂᕐᓗᒍᑎᓂᒃ, ᐃᓛᓂᑦ ᐱᖁᔦᑦ ᓯᓚᑖᒎᕆᐊᖃᑦᑕᕈᓐᓀᓗᑎᑦ, ᐃᑦᓯᒎᓐᓂᕙᓪᓛᔪᓂᒃ ᐅᖃᐅᓯᖃᖃᑦᑕᕈᓐᓀᓗᑎᑦ, ᑌᓯᓂᒃᑯᑦ, ᐊᓪᓚᓯᒪᔪᑎᒍᑦ ᑐᑭᓯᒪᐅᑎᑦᓴᑎᒍᓪᓘᓃᑦ.

(c) ᓄᐃᑕᑎᑦᓯᖃᑦᑕᕈᓐᓀᓗᑎᑦ ᐊᓪᓚᖁᑎᓂᒃ ᖃᕆᑕᐅᔭᓕᕆᒍᑎᑦᓴᓂᒃ ᐊᓯᖏᓐᓂᓘᓐᓃᑦ ᐱᒋᔭᐅᓪᓚᕆᑦᑐᓂᒃ ᐱᖁᔭᑎᒍᑦ (ᐅᕝᕙᓘᓐᓃᑦ ᐱᒍᓐᓇᐅᑎᑎᒍᑦ ᐃᒻᒥᓂᕐᓲᑎᖃᕈᓐᓇᓂᕐᒧᑦ ᓇᐅᓕᒫᓅᓕᖓᔪᓂᒃ) ᓇᒻᒥᓂᕆᖕᖏᑯᕕᒃᑭᑦ ᐊᐅᓚᒐᑦᓴᕆᖕᖏᑯᕕᒃᑭᓘᓐᓃᑦ ᐊᖏᕐᑕᐅᒍᑎᒋᓯᒪᖕᖏᑯᕕᒃᑭᓘᓃᑦ;

(d) ᖃᕆᑕᐅᔭᒃᑯᑦ ᐊᑐᐊᕋᑦᓴᓅᕐᓯᖃᑦᑕᕈᓐᓀᓗᑎᑦ ᐊᓯᓐᓅᕕᓪᓘᓃᑦ ᐊᐅᓪᓚᑎᑦᓯᖃᑦᑕᕈᓐᓀᓗᑎᑦ ᓱᓇᑐᐃᓐᓇᓂᒃ ᑐᑭᓯᒪᐅᑎᑦᓴᓂᓪᓘᓃᑦ ᐊ) ᓲᓱᑦᓴᖏᕙᓪᓛᔪᓂᒃ ᓱᒃᑯᑎᕆᒐᓱᐊᕐᑐᓂᓪᓘᓃᑦ ᑕᑯᓐᓇᑕᐅᒍᓯᖏᓐᓂᒃ ᐊᐅᓚᑦᓯᔨᖁᑎᑦᑕ, ᐃᓚᐅᔪᖁᑎᑦᑕ, ᐱᓇᓱᑦᑎᑕ, ᑭᒡᒐᑐᕐᑎᑕ, ᐱᒍᓐᓇᑎᑦᓯᔨᑦᑕ, ᐱᒍᑦᔨᔨᑦᑕ, ᓂᐅᕕᕐᕕᒋᓲᑦᑕ, ᐳᓚᕋᕐᑎᒋᓲᑦᑕ ᐅᕝᕙᓘᓐᓃᑦ ᐊᑐᕐᑎᐅᓲᑦ ᖃᓄᑐᐃᓐᓇᓕᒫᖅ; (ᐸ) ᐱᐊᕋᕐᓂᒃ ᑲᒃᑲᓛᓂᒃ ᓱᒃᑯᑎᕆᐅᑎᓂᒃ ᖃᓄᑐᐃᓐᓇᓕᒫᖅ, ᐅᕝᕙᓘᓐᓃᑦ (ᑕ) ᐱᕙᓪᓕᖁᑎᐅᓚᖓᔪᓂᒃ ᐊᓯᑦᑎᓄᑦ ᐱᓇᓱᕝᕕᐅᖃᑎᑦᑎᓄᑦ;

(e) ᓄᐃᑕᑎᑦᓯᖃᑦᑕᕈᓐᓀᓗᑎᑦ ᖃᕆᑕᐅᔭᒥᒃ ᓱᒍᓐᓇᖏᕐᑎᓯᒍᑎᐅᒐᓱᐊᕐᑐᓂᒃ, ᐊᓪᓚᖁᑎᓂᓪᓗ ᐊᓯᑦᔨᑐᕐᑕᐅᓯᒪᔪᕐᑕᓕᓐᓂᒃ, ᓱᒃᑯᑎᕆᒍᑎᐅᒐᓱᐊᕐᑐᓂᒃ ᐊᓯᖏᓐᓂᓘᓐᓃᑦ ᖃᕆᑕᐅᔭᓕᕆᒍᑎᓂᒃ ᐊᓯᒥᑕ ᖃᕆᑕᐅᔭᖓᓂᒃ ᐱᒍᓐᓇᖏᕐᑎᓯᒐᓱᐊᕈᑎᓂᒃ;

(f) ᐅᓚᐱᑦᓯᖃᑦᑕᕈᓐᓀᓗᑎᑦ, ᐅᓚᐱᑦᓯᒐᓱᐊᖃᑦᑕᕈᓐᓀᓗᑎᓪᓘᓃᑦ, ᐊᐅᓚᑕᐅᓂᖓᓂᒃ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑕ ᖃᓄᑐᐃ8ᓇᓕᒫᖅ ᐅᕝᕙᓘᓐᓃᑦ ᐊᑐᖃᑦᑕᕈᓐᓀᓗᒍ ᐱᒍᓐᓇᖏᕐᑎᓯᒐᓱᐊᕈᑎᓂᒃ ᓯᐊᒻᒪᑎᑦᓯᒍᑎᒋᒐᓱᐊᕐᓗᒍ ᐊᓯᖏᓐᓂᓘᓐᓃᑦ ᓱᒃᑯᑎᕆᒐᓱᐊᕈᑎᒋᓗᒍ ᖃᕆᑕᐅᔭᓕᕆᒍᑏᑦ ᓇᓗᓀᒃᑯᑕᖏᓐᓂᒃ;

(g) ᐱᒍᒥᓇᕐᑎᓯᒐᓱᐊᕐᑌᓕᓗᑎᑦ ᓂᐅᕕᕐᑌᓕᓗᑎᓪᓘᓃᑦ ᓱᓇᑐᐃᓐᓇᓂᒃ ᐱᒍᑦᔨᐅᑎᓂᓪᓘᓃᑦ ᐱᓇᓱᒐᖃᕐᕕᒨᓕᖓᓂᐊᕐᑎᓗᒍ, ᑐᓴᐅᒪᖃᑦᑕᐅᑎᓂᕐᓄᑦ ᐱᒍᑦᔨᐅᑏᑦ ᐱᕕᑦᓴᖃᕐᑎᓯᒌᖕᖏᐸᑕ;

(h) ᖃᐅᔨᓴᕐᓂᖃᕐᑎᓯᖃᑦᑕᕈᓐᓀᓗᑎᑦ ᐊᐅᓪᓚᑎᖃᑦᑕᕈᓐᓀᓗᒋᓪᓘᓃᑦ, ᐱᒍᑦᔨᓂᐊᕐᓂᕋᖃᑦᑕᕈᓐᓀᓗᑎᑦ ᐱᓕᐅᑎᑎᑦᓯᖃᑦᑕᕈᓐᓀᓗᑎᑦ ᐊᐅᓪᓚᑎᑦᓯᖃᑦᑕᕈᓐᓀᓗᑎᑦ ᐊᒥᓱᓄᑦ ᐊᓪᓚᑕᐅᓯᒪᔪᓂᒃ;

(i) ᐊᑐᐊᕋᑦᓴᑖᖃᑦᑕᕈᓐᓀᓗᑎᑦ ᖃᕆᑕᐅᔭᒃᑯᑦ ᐊᑐᐊᕋᑦᓴᓕᐊᕕᓂᖏᓐᓂᒃ ᐊᑐᕐᑏᑦ ᐊᓯᖏᓐᓂᒃ ᑐᓴᐅᒪᖃᑦᑕᐅᑎᓂᕐᓄᑦ ᐱᒍᑦᔨᐅᑎᓂᒃ ᖃᐅᔨᒪᔭᕐᓃᕕᑦ, ᖃᐅᔨᒪᒋᐊᓕᕕᓂᕐᓃᕕᓪᓘᓃᑦ, ᐱᖁᔭᑎᒍᑦ ᑌᒫᒃ ᓯᐊᒻᒪᑦᑕᐅᒋᐊᖃᕐᑎᓇᒋᑦ;

(j) ᓱᓕᖕᖏᓂᕃᖃᑦᑕᕈᓐᓀᓗᑎᑦ ᐲᔦᖃᑦᑕᕈᓐᓀᓗᑎᓪᓘᓃᑦ ᐊᑐᐊᕋᑦᓴᓕᐊᕕᓂᕐᓂᒃ, ᐱᖁᔭᑎᒎᕋᓗᐊᕐᐸ ᐊᓯᖏᓐᓂᓘᓐᓃᑦ ᖃᐅᔨᒪᑎᑦᓯᒍᑎᑦᓴᓯᐊᓂᒃ ᐅᕝᕙᓘᓐᓃᑦ ᑎᓕᔨᒍᑎᐅᓯᒪᔪᓂᒃ ᓇᓗᓀᒃᑯᑕᐅᔪᓂᓪᓘᓃᑦ ᓇᑭᑦ ᐱᓯᒪᓂᖏᓐᓂᒃ ᖃᕆᑕᐅᔭᓕᕆᒍᑏᑦ ᓇᑭᓂᑕᐅᓂᖏᓐᓂᓘᓐᓃᑦ ᐊᓯᖏᓐᓂᓘᓐᓃᑦ ᐊᓪᓚᖁᑎᓃᑦᑐᓂᒃ ᖃᕆᑕᐅᔭᕐᒦᑐᓂᑦ ᐱᔭᐅᓯᒪᔪᓂᒃ.  

(k) ᐊᑐᕐᑕᐅᑎᑦᓯᑌᓕᒍᓐᓀᓗᑎᑦ ᐊᓯᓐᓅᕕᑦ ᐊᑐᕐᑎᓄᑦ ᑐᓴᐅᒪᖃᑦᑕᐅᑎᓂᒃᑯᑦ ᐱᒍᑦᔨᐅᑎᓂᒃ;

(l) ᐱᐅᓯᕐᓲᑎᐅᒋᐊᓖᑦ ᒪᓕᒉᑦ ᓯᓚᑖᒎᕐᑌᓕᓗᑎᑦ ᐊᓯᖏᓪᓘᓃᑦ ᑐᑭᒧᐊᒍᑎᑦᓭᑦ ᐊᑐᕐᑕᐅᔪᑦ ᑐᓴᐅᒪᖃᑦᑕᐅᑎᓂᒃᑯᑦ ᐱᒍᑦᔨᐅᑎᓅᓕᖓᖃᑕᐅᔪᑦ;

(m) ᑲᑎᕐᓱᐃᓯᒪᖃᑦᑕᕈᓐᓀᓗᑎᑦ ᐊᓯᓐᓅᓕᖓᔪᓂᒃ ᑐᑭᓯᒪᐅᑎᑦᓴᓂᒃ, ᖃᕆᑕᐅᔭᒃᑯᑦ ᑐᕌᕈᑎᓂᓪᓗ, ᐊᖏᕐᓯᒪᕐᖄᑎᓐᓇᒋᑦ

ᐱᖁᔭᑎᒍᑦ ᐊᑑᑎᔭᐅᖁᔭᐅᓯᒪᒌᖕᖏᐸᑦ, ᑲᑎᒪᔩᑦ NMRIRB ᐃᑉᐱᒋᔭᖃᓪᓗᑐᐊᐱᒋᐊᖃᖕᖏᑐᑦ ᑐᓴᐅᒪᖃᑦᑕᐅᑎᓂᕐᒧᑦ ᐱᒍᑦᔨᐅᑎᓂᒃ. ᑭᓯᐊᓂᓕ,  ᑲᑎᒪᔩᑦ NMRIRB ᐱᒍᓐᓇᐅᑎᖃᕐᐳᑦ ᕿᒥᕐᕈᕈᓐᓇᓂᕐᒥᒃ ᓄᐃᑕᐅᓯᒪᔪᓂᒃ ᑐᓴᐅᒪᖃᑦᑕᐅᑎᓂᕐᒧᑦ ᐱᒍᑦᔨᐅᑎᑎᒍᑦ ᐲᕐᓯᒍᓐᓇᓯᐊᕐᓱᑎᓪᓗ ᑐᓴᐅᒪᖃᑦᑕᐅᑎᒍᑎᓅᕐᑕᐅᓯᒪᔪᓂᒃ ᒍᒪᓂᕐᒥᒍᑦ.  ᑲᑎᒪᔩᑦ NMRIRB ᐱᒍᓐᓇᐅᑎᖃᕐᐳᑦ ᓄᕐᖃᑎᑦᓯᒍᓐᓇᓱᑎᒃ ᐊᑐᐃᓐᓇᖃᕐᓂᓃᕕᑦ ᑐᓴᐅᒪᖃᑦᑕᐅᑎᓂᕐᒧᑦ ᐱᒍᑦᔨᐅᑎᓂᒃ ᖃᖓᑐᐃᓐᓇᓯᐊᖅ ᖃᐅᔨᑎᑦᓯᖄᕈᓐᓀᓗᑎᒃ ᐱᑦᔪᑎᐅᔪᖅ ᓱᓇᑐᐃᓐᓇᐅᒐᓗᐊᕐᐸᑦ.

ᖃᐅᔨᒪᒋᑦ ᑐᑭᓯᒪᔭᐅᒋᐊᓕᓐᓂᒃ ᑐᓴᐅᒪᑎᑦᓯᒋᐊᖃᕈᕕᑦ, ᐊᓪᓚᖁᑎᓂᓪᓘᓃᑦ ᑐᓴᐅᒪᔭᐅᑎᑦᓯᒋᐊᖃᕈᕕᑦ ᒪᓂᒐᑦᓴᖃᕈᕕᓪᓘᓃᑦ  ᑲᑎᒪᔨᓄᑦ NMRIRB ᑕᕝᕘᓇ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᒍᑦ ᑲᑎᒪᔩᑦ NMRIRB ᓇᐅᓕᒫᓂᒃ ᐱᒍᑦᔨᐅᑎᖏᓐᓅᓕᖓᔪᓂᒃ ᑲᒪᒋᔭᑦᓴᖏᓐᓅᓕᖓᔪᓂᓪᓘᓃᑦ ᓄᓇᕕᒻᒥ ᐃᓄᐃᑦ ᓄᓇᑖᕋᓱᐊᕐᓂᒧᑦ ᐊᖏᖃᑎᒌᒍᑎᖓᒍᑦ ᐊᑐᕐᓂᖃᕐᑐᓂᓪᓗ ᓄᓇᓯᒪᕕᐅᔪᑦ ᐱᖁᔭᖓᑎᒍᑦ ᑲᕙᒪᑐᖃᒃᑯᓗ ᐱᖁᔭᖓᑎᒍᑦ, ᑕᒐ ᑐᑭᓯᒪᒋᐊᖃᕐᐳᑎᑦ ᐊᓯᑦᔨᓂᕐᑕᖃᕋᔭᕐᓂᖓᓂᒃ ᓂᕆᐅᓐᓂᖃᕆᐊᖃᖕᖏᓇᕕᑦ ᐃᒻᒥᓂᕐᓲᑎᑐᐃᓐᓇᐅᖏᑦᑑᓂᖏᓐᓂᓗ ᑕᒪᒃᑯᐊ ᑐᑭᓯᒪᔭᐅᒋᐊᓖᑦ ᐊᓪᓚᖁᑏᓪᓘᓃᑦ.   ᖃᐅᔨᒪᔭᐅᑎᑦᓯᑌᓕᒍᓐᓇᖏᓪᓚᒍᑦ ᒪᓂᔭᑦᓯᓂᒃ ᐊᓯᖏᓐᓂᓘᓐᓃᑦ ᑐᑭᓯᒪᐅᑎᑦᓴᓂᒃ ᙯᖃᑦᑕᑕᑦᓯᓂᒃ, ᐃᓕᒃᑰᑐᒥᒃ ᐊᖏᖃᑎᒌᒍᑎᖃᕐᓯᒪᖕᖏᑯᑦᑕ ᑌᒣᓐᓂᐊᓗᑕ ᐊᓪᓚᓯᒪᔫᑎᓪᓗᒋᑦ ᐅᕝᕙᓘᓐᓃᑦ ᐱᖁᔭᑎᒍᑦ ᐊᑑᑎᒍᓐᓇᑎᑕᐅᒍᑦᑕ ᑕᒪᑐᒥᖓ. ᓄᐃᑦᓯᖃᑦᑕᓂᑦᓯᓄᑦ ᒪᓂᒐᑦᓴᓂᒃ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓄᑦ ᐱᕕᑦᓴᖃᕐᑎᓯᕗᓯ ᐊᑭᖃᖕᖏᑐᒥᒃ, ᐃᓱᓕᓂᖃᖕᖏᑐᒥᓪᓗ, ᐃᓚᐅᑎᑦᓯᓯᐊᕐᓂᑕᖃᕐᑐᒥᓪᓗ, ᐊᓯᑦᔨᑕᐅᕕᖃᕈᓐᓇᑎᓪᓗᒍ, ᐃᓚᐅᕕᐅᑦᓯᐊᕈᓐᓇᑎᓪᓗᒍ, ᑎᓕᔨᒍᑎᐅᒍᓐᓇᑎᓪᓗᒍ, ᐱᒍᓐᓇᐅᑎᑖᕐᑎᓯᕕᐅᒍᓐᓇᑎᓪᓗᒍ (ᐊᑦᔨᒌᖕᖏᑐᑎᒍᑦ), ᓯᓚᕐᔪᐊᓕᒫᒨᓕᖓᔪᓂᒃ ᐱᒍᓐᓇᐅᑎᖃᕐᑎᓯᕗᓯ ᐊᑐᕐᑕᐅᒍᓐᓇᑎᑦᓯᓱᓯᓗ, ᓄᐃᑦᓯᒋᐊᓪᓚᑎᑦᓯᒍᓐᓇᓱᓯᓪᓗ, ᓴᓂᕐᕓᓯᒪᒍᓐᓇᓱᓯᓪᓗ, ᐊᓯᑦᔨᒋᐊᕈᓐᓇᓱᒋᓪᓗ, ᑐᑭᓯᓇᕐᑎᒍᓐᓇᓱᒋᓪᓗ, ᐋᕐᕿᒋᐊᕈᓐᓇᓱᒋᓪᓗ, ᐱᓇᓱᑦᑕᐅᓕᕇᕐᑐᓂᒃ ᑐᖕᖓᕕᖃᕐᑎᓂᐊᕐᓗᒋᑦ, ᑐᓴᕐᑕᐅᑎᑦᓯᒍᑎᒋᖃᑦᑕᓗᒍ, ᓯᐊᒻᒪᑎᖃᑦᑕᓗᒍ, ᐊᑐᐊᕋᑦᓴᖑᖃᑦᑕᓗᒍ, ᓂᐅᕐᕈᑎᒋᖃᑦᑕᓗᒍ, ᓂᐅᕐᕈᑎᒋᒍᒪᖃᑦᑕᓗᒍ, ᓯᓚᑎᑦᑎᓂᑦ ᐱᓂᐊᕐᓗᒍ, ᓇᐅᓕᒫᓅᓕᖓᑎᓪᓗᒋᑦ ᐱᓇᓱᐊᕐᓗᒋᑦ, ᓄᐃᑕᑎᖃᑦᑕᓗᒋᓪᓘᓃᑦ ᑕᒪᒃᑯᐊ ᒪᓂᔨᒍᑏᑦ ᐱᑦᔪᑕᐅᑎᓪᓗᒋᑦ, ᑲᑎᒪᔩᑦ NMRIRB ᐱᑦᔪᑕᐅᖁᔭᖏᑎᒍᑦ ᐃᒻᒥᓂᕿᐅᑎᒋᓂᐊᕐᓗᒍ  ᓇᓪᓕᐊᒍᑐᐃᓐᓇᖅ ᑐᓴᕋᑦᓴᓂᐊᕐᕕᑎᒍᓪᓘᓃᑦ, ᑕᒐᑕᒐ ᓄᐃᑕᔪᓄᑦ ᓄᐃᑕᐅᓛᕐᑐᓄᓪᓘᓃᑦ, ᐊᑭᓕᕐᑕᐅᒍᑎᒋᓂᐊᕈᓐᓀᓗᒋᑦ ᐊᓯᑦᓯᓘᓐᓃᑦ ᐊᑭᓕᕐᑕᐅᒍᑎᒋᓂᐊᖕᖏᑕᖏᓐᓂ. ᓱᓕᓗ, (i)  ᐊᖏᕈᑎᖃᕐᑎᓗᑎᑦ ᐊᑐᕐᑕᐅᖏᑦᑑᑎᑦᓯᖃᑦᑕᓂᐊᕐᑎᓗᑎᑦ ᐱᓇᓱᐊᕐᓯᒪᔭᓯ ᐊᑎᓯᓐᓂᒃ ᓄᐃᑕᔪᕐᑕᖃᕆᐊᖃᕐᓂᖏᓐᓂᒃ ᒪᓂᔭᐅᓯᒪᔪᓕᒫᓂ ᑲᑎᒪᔨᑎᒍᑦ NMRIRB; (ii) ᐊᖏᕈᑎᖃᕐᓯᒪᓗᑎᑦ ᐊᑎᕐᓃᕕᑦ, ᑐᕌᕈᑎᓐᓃᕕᑦ ᖃᕆᑕᐅᔭᒃᑯᓗ ᑐᕌᕈᑎᓐᓃᕕᑦ ᓄᐃᑕᑎᑕᐅᔪᓂᒃ ᒪᓂᔨᓯᒪᔪᓂ, ᒋᐊᖃᕐᓂᐸᑦ, ᐅᖃᕈᑕᐅᓯᒪᓂᖓᓄᓪᓗ ᓄᐃᑕᑎᑕᐅᓂᖏᓐᓄᓗ ᑐᑭᓯᒪᑎᑦᓯᒍᑏᑦ ᐊᓯᖏᓪᓗ ᓄᐃᑕᑎᑕᐅᔪᑦ ᒪᓂᔭᐅᓯᒪᔪᓅᓕᖓᔪᑦ; (iii) ᖃᐅᔨᕙᓪᓚᓗᒋᑦ ᐊᖏᕈᑎᒋᓗᒋᓪᓗ ᑲᑎᒪᔩᑦ NMRIRB ᑲᒪᒋᔭᑦᓴᖃᖕᖏᒪᑕ ᐊᓯᐅᔨᔪᖃᕐᓂᐸᑦ, ᓱᒃᑯᑕᐅᔪᖃᕐᓂᐸᑦ, ᐃᓱᐃᓪᓕᑎᕐᑕᐅᔪᖃᕐᓂᐸᓪᓘᓃᑦ ᒪᓂᓯᒪᔭᑦᓯᓂᒃ; ᐊᒻᒪᓗ (iv) ᖃᐅᔨᕙᓪᓚᓗᒋᑦ ᐊᖏᕈᑎᒋᓗᒋᓪᓗ ᓇᓪᓕᖏᑦ ᒪᓂᓯᒪᔭᓯ ᓄᐃᑕᑎᒐᑦᓴᐅᑎᓪᓗᒋᑦ ᑕᕝᕙᓂ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂ ᑭᓇᑐᐃᓐᓇᑯᓐᓄᑦ ᐊᑐᐊᕐᑕᐅᒍᓐᓇᓯᐊᓛᕐᑎᓗᒋᑦ.   

ᑲᑐᑦᔨᖃᑕᐅᑦᓯᐊᖃᑦᑕᓂᐊᕐᑐᑎᑦ ᒍᓐᓇᕕᓕᒫᒃᑯᑦ ᑕᒪᒃᑯᐊ ᐱᓂᐊᕐᓂᐅᔪᑦ ᐱᓪᓗᒋᑦ; ᑭᓯᐊᓂᓕ, ᐱᒍᓐᓇᐅᑎᖃᕐᑐᒍᑦ, ᓴᐳᑦᔨᒋᐊᕈᓐᓇᓂᕐᒥᒃ ᐊᐅᓚᑦᓯᒍᓐᓇᓂᕐᒥᓗ ᐃᓕᓐᓄᑦ ᓱᒃᑯᑎᕐᑕᐅᒐᔭᕈᑦᑕ. 

ᑲᑎᒪᔩᑦ NMRIRB ᐊᑐᕐᑕᐅᔪᑎᒍᑦ ᐱᖁᔭᑎᒍᑦ ᓄᐃᑕᑎᑦᓯᒍᓐᓇᑐᑦ ᐊᑐᐃᓐᓇᐅᑎᑦᓯᓗᑎᓪᓘᓃᑦ ᖃᐅᔨᓴᐅᑎᐅᓯᒪᔪᓂᒃ, ᑐᑭᓯᒪᐅᑎᑦᓴᓂᒃ ᐅᕝᕙᓘᓐᓃᑦ ᐃᓚᖏᓐᓂᒃ ᐃᓘᓐᓇᖏᓐᓂᓘᓐᓃᑦ ᒪᓂᒋᐊᓕᒥᓂᒃ ᓇᐅᓕᒫᑦ ᐊᓪᓚᑕᐅᓯᒪᕕᖏᓐᓅᓕᖓᔪᓂᒃ ᐊᑐᐃᓐᓇᐅᔪᓂ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂ ᑕᑯᒋᐊᕐᑕᐅᒍᓐᓇᑐᓂ ᐊᑐᕐᑎᓄᑦ ᐊᓪᓚᑕᐅᓯᒪᕕᖁᑎᖓᒎᕆᐊᑐᕋᑎᒃ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂ. ᒪᓂᔭᐅᓯᒪᔪᑦ ᐊᑐᐃᓐᓇᐅᒍᓐᓇᑐᑦ ᕿᒥᕐᕈᔭᐅᒍᓐᓇᓱᑎᓪᓗ ᓇᐅᓕᒫᓄᑦ.      

ᑲᑎᒪᔩᑦ NMRIRB ᕿᒥᕐᕈᕈᓐᓇᑐᑦ ᒪᓂᔭᐅᓯᒪᔪᓂᒃ ᐊᑐᐊᕋᑦᓴᖃᕐᕕᓅᕐᑕᐅᓚᐅᕐᑎᓇᒋᑦ ᐊᖏᕈᑎᖃᖕᖏᑑᒍᓐᓇᓱᑎᓪᓗ ᐊᑐᐊᕋᑦᓴᓅᕐᑕᐅᒍᒪᑦᓱᑎᒃ ᒪᓂᔭᐅᔪᓂᒃ ᑕᕝᕗᖓ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓄᑦ. ᑲᑎᒪᔩᑦ NMRIRB ᐃᒻᒥᓂᕐᓲᑎᖃᑦᓯᐊᑐᑦ ᐋᕐᖀᒋᐊᕈᓐᓇᓂᕐᒥᒃ ᐲᕐᓯᒍᓐᓇᓂᕐᒥᓘᓐᓃᑦ ᒪᓂᔭᐅᔪᓂᒃ. ᖃᐅᔨᕙᓪᓚᓯᒪᒋᐊᖃᕐᑐᑎᑦ ᐊᖏᕈᑎᖃᕐᓗᑎᓪᓗ ᑲᑎᒪᔩᑦ NMRIRB, ᐃᒻᒥᓂᕐᓱᓗᑎᒃ, ᐃᑉᐱᔭᖃᕈᓐᓇᒪᑕ ᑕᑯᒋᐊᖃᑦᑕᓗᒍ ᑖᑦᓱᒥᖓ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᒥᓂᒃ ᐅᖃᕈᑎᖃᕈᓐᓇᓱᑎᓪᓗ ᑐᑭᓯᒪᐅᑎᑦᓴᓂᒃ ᐅᖃᕈᑕᐅᒋᐊᓕᓐᓂᒃ ᐱᖁᔭᑎᒍᑦ, ᒪᓕᒐᓕᐊᒍᓯᒪᔪᑎᒍᑦ ᐊᓯᖏᓐᓂᓘᓐᓃᑦ ᑲᕙᒪᒃᑯᓄᑦ ᕿᓄᕕᐅᒍᑎᒥᓂᒃ ᐃᕐᖃᑐᐃᔨᓄᓪᓘᓃᑦ ᕿᓄᕕᐅᒍᑎᒥᓂᒃ, ᐊᐅᓚᑦᓯᓯᐊᕆᐊᖃᕐᓂᒥᓄᑦ ᑖᑦᓱᒥᖓ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᒥᓂᒃ ᓴᐳᒻᒥᒋᐊᖃᕐᓂᒥᓄᓪᓗ ᐃᒻᒥᓂᒃ ᐊᓯᖏᓐᓂᓘᓐᓃᑦ ᐊᑐᕐᑎᓂᒃ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂᒃ.  ᓱᓇᑐᐃᓐᓇᖅ ᐅᖃᕈᑕᐅᔪᖅ ᒪᓕᒍᑕᐅᒋᐊᖃᕐᐳᖅ ᑲᑎᒪᔩᑦ NMRIRB ᐃᒻᒥᓂᕐᓱᕈᓐᓇᕆᐊᖃᕐᓂᒧᑦ ᒪᓕᒐᖓᓂᒃ.

ᑲᑎᒪᔩᑦ NMRIRB ᑲᒪᒋᔭᑦᓴᖃᖕᖏᓚᑦ ᒪᓂᔭᐅᔪᑦ ᐃᓱᒪᒋᔭᐅᔪᐃᓪᓗ, ᐅᖃᐅᓯᑦᓴᕆᔭᐅᔪᐃᓪᓗ ᒪᓂᔨᔪᓄᑦ ᐱᓯᒪᒋᐊᖏᓐᓂᒃ ᒪᓂᔨᔪᓄᑦ ᐱᓯᒪᖕᖏᓂᖏᓐᓂᓗ ᑲᑎᒪᔨᓂᑦ NMRIRB, ᐊᐅᓚᑦᓯᔨᖏᓐᓂᑦ ᐱᓇᓱᑦᑎᖏᓐᓂᓘᓐᓃᑦ.