ᒪᓕᒐᖅ ᐃᒻᒥᓂᕐᓲᑎᖃᕆᐊᖃᕐᓂᒧᑦ

ᖃᐅᔨᒪᑦᓯᐊᕆᑦ ᑲᑎᒪᔨᓂᒃ NMRIRB ᑐᑭᓯᒪᐅᑎᑦᓴᑖᕐᑎᓯᒍᒪᒍᕕᑦ ᑕᕝᕘᓇ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᒍᑦ    ᑲᑎᒪᔩᑦ NMRIRB ᐱᔭᑦᓴᕆᒋᐊᓕᖏᓐᓅᓕᖓᔪᓂᒃ ᓇᐅᓕᒫᓅᓕᖓᑦᓱᑎᒃ ᑲᒪᒋᔭᑦᓴᖏᓐᓅᓕᖓᔪᓂᓪᓘᓃᑦ ᓄᓇᕕᒻᒥ ᐃᓄᐃᑦ ᓄᓇᑖᕋᓱᐊᕐᓂᒧᑦ ᐊᖏᖃᑎᒌᒍᑎᑎᒍᑦ ᐱᖁᔭᑎᒍᓪᓗ ᐊᑑᑎᔭᐅᒋᐊᖃᕐᓱᑎᒃ, ᑐᑭᓯᒪᒋᐊᖃᕐᐳᑎᑦ ᐃᒻᒥᓂᕐᓲᑎᒋᖕᖏᒋᐊᕐᐱᒋᑦ ᑐᑭᓯᒪᐅᑎᑦᓴᑖᕐᑎᓯᒍᑎᑎᑦ ᐊᓪᓚᖁᑏᓪᓘᓃᑦ.   ᓇᒻᒥᓂᕐᒨᓕᖓᔪᓂᒃ ᑐᑭᓯᒪᑎᑦᓯᒍᑎᓄᑦ ᐊᓪᓚᖁᑎᓄᓪᓘᓃᑦ ᐃᓚᐅᑎᑦᓯᒍᕕᑦ ᑐᓴᕋᑦᓴᖃᕐᕕᑎᓐᓅᓗᒋᑦ ᐃᓚᐅᑎᔭᑎᑦ ᐊᖏᕈᑎᒋᕙᑎᑦ ᓇᒻᒥᓂᕐᓅᓕᖓᔪᑦ ᓇᐅᓕᒫᓅᓕᖓᔪᓄᑦ ᐊᓪᓚᑕᐅᓯᒪᓂᐊᖕᓂᖏᓐᓂᒃ ᑕᕝᕙᓂ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂ.  ᓇᒻᒥᓂᕐᓅᓕᖓᔪᓂᒃ ᑐᓴᐅᒪᑎᑦᓯᒍᑎᓂᒃ  ᑲᑎᒪᔩᑦ NMRIRB ᐱᔭᑦᓴᖏᓐᓅᓕᖓᖕᖏᑐᓂᒃ ᑲᒪᒋᔭᑦᓴᖏᓐᓅᓕᖓᖕᖏᑐᓂᓪᓘᓃᑦ ᓄᐃᑦᓯᒍᕕᑦ, ᐅᑦᑐᕋᐅᑎᒋᑦᓱᒍ ᐊᓪᓚᖁᑎ ᑲᑎᒪᔨᓅᕐᑕᐅᔪᖅ NMRIRB ᓇᒻᒥᓂᕐᒨᓕᖓᑦᓱᓂ ᐱᓇᓱᒐᕐᑖᕈᒪᐅᑏᓪᓘᓃᑦ ᑲᑎᒪᔨᒃᑯᓂ NMRIRB, ᑖᓐᓇ ᐃᒻᒥᓂᕐᓱᕈᓐᓇᕆᐊᖃᕐᓂᒧᑦ ᒪᓕᒐᖅ ᐊᑐᕐᑕᐅᓕᕋᔭᕐᖁᖅ.

ᐱᓪᓗᒋᑦ ᑕᑉᐱᑯᐊ ᐅᖃᐅᓰᑦ, ᑖᓐᓇ ᐃᒻᒥᓂᕐᓱᕈᓐᓇᕆᐊᖃᕐᓂᒧᑦ ᒪᓕᒐᖅ ᐊᑐᕐᑕᐅᒍᓐᓇᐳᖅ ᓇᐅᓕᒫᓄᑦ ᐊᑐᖃᑦᑕᓲᓄᑦ ᑖᑦᓱᒥᖓ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂᒃ, ᑐᓴᐅᒪᔭᐅᑎᑦᓯᓲᓄᓪᓘᓃᑦ ᒪᓂᔨᓲᓂᓪᓘᓃᑦ ᓇᒻᒥᓂᕐᒨᓕᖓᔪᓂᒃ ᑐᓴᐅᒪᑎᑦᓯᒍᑎᑦᓴᓂᒃ  ᑲᑎᒪᔨᖏᓐᓄᑦ NMRIRB,  ᑲᑎᒪᔩᑦ NMRIRB ᑐᓂᒪᐅᑎᖃᕐᒥᓱᑎᒃ ᐃᑉᐱᒋᔭᖃᕆᐊᖃᕐᓂᒥᒃ ᓇᒻᒥᓂᕐᒨᓕᖓᔪᑦ ᑐᓴᐅᒪᑎᑦᓯᒍᑏᑦ ᐃᒻᒥᓂᕐᓲᑎᐅᑦᓯᐊᕆᐊᖃᕐᓂᖏᓐᓂᒃ.

ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂᒃ ᑕᑯᒋᐊᕐᓂᐊᕈᕕᑦ, ᑐᓴᐅᒪᑎᑦᓯᓗᓯ ᒪᓂᔨᓗᓯᓘᓐᓃᑦ ᑐᑭᓯᒪᐅᑎᑦᓴᓂᒃ ᑲᑎᒪᔨᓄᑦ NMRIRB, ᐊᖏᕐᓯᒪᕗᑎᑦ ᑲᑎᕐᓱᐃᒍᓐᓇᓂᕐᒧᑦ, ᐊᑐᕈᓐᓇᓂᕐᒧᑦ ᐅᖄᒍᑎᖃᕈᓐᓇᓂᕐᒧᓗ ᓇᒻᒥᓂᕐᒨᓕᖓᔪᓂᒃ ᑐᑭᓯᒪᐅᑎᑦᓴᓂᒃ ᑖᓐᓇ ᐃᒻᒥᓂᕐᓱᕈᓐᓇᕆᐊᖃᕐᓂᒧᑦ ᒪᓕᒐᖅ ᒪᓕᓪᓗᒍ. ᐱᑦᔪᑕᐅᑎᓪᓗᒍ ᑖᓐᓇ ᐃᒻᒥᓂᕐᓱᕈᓐᓇᕆᐊᖃᕐᓂᒧᑦ ᒪᓕᒐᖅ, “ᓇᒻᒥᓂᕐᒨᓕᖓᔪᑦ ᑐᑭᓯᑎᑦᓯᒍᑎᑦᓭᑦ” ᑐᑭᖃᕐᐳᑦ ᑐᑭᓯᒪᐅᑎᑦᓴᓂᒃ ᓇᓗᓀᕐᓯᒍᑕᐅᒍᓐᓇᑐᓂᒃ ᓇᐅᑐᐃᓐᓇᒥᒃ. ᐃᓚᖓᒍᑦ, ᐊᖏᕈᑎᒋᓯᒪᔦᑦ “ᐊᖏᕐᓯᒪᒍᑎᖃᕇᕐᑐᒥᒃ” ᑐᑭᖃᕐᑎᑕᐅᒍᓐᓇᒥᒻᒪᑦ, ᐊᖏᕐᓯᒪᔪᕐᑎᑑᕐᑎᑕᐅᑦᓱᑎᑦ ᑐᖕᖓᕕᒋᑦᓱᒍ ᑲᑎᕐᓱᐃᓯᒪᓃᑦ, ᐊᑐᖃᑦᑕᓃᑦ ᑐᓴᕐᑎᓯᒍᑎᖃᕐᓃᓘᓐᓃᑦ ᓇᒻᒥᓂᕐᒨᓕᖓᔪᓂᒃ ᑐᑭᓯᒪᐅᑎᑦᓴᓂᒃ.  

ᑲᑎᒪᔨᓄᑦ NMRIRB ᒪᓂᔨᒍᒪᖕᖏᑯᕕᑦ ᓇᒻᒥᓂᕐᒨᓕᖓᔪᓂᒃ ᑐᑭᓯᒪᐅᑎᑦᓴᓂᒃ ᐊᖏᕈᑎᕕᓂᕐᓃᕕᓪᓘᓃᑦ ᖁᔭᓈᕈᒪᒍᕕᑦ, ᐲᕐᑕᐅᒍᓐᓇᕕᖃᕐᐸᑕ, ᑲᑎᒪᔩᑦ NMRIRB ᑲᒪᒍᓐᓇᖏᑦᑑᑐᐃᓐᓇᕆᐊᖃᕐᐳᑦ ᐊᐱᕐᓲᑎᑦᓴᕆᔭᕐᓂᒃ, ᐃᑲᔪᕈᓐᓇᖏᑦᑑᑐᐃᓐᓇᕆᐊᖃᕐᓱᑎᓪᓗ ᑐᑭᓯᒪᔭᐅᑎᑦᓯᖏᑦᑑᑐᐃᓐᓇᕆᐊᖃᕐᓱᑎᓪᓗ ᐃᓕᓐᓄᑦ, ᑖᓐᓇᓘᓐᓃᑦ ᑐᓴᕋᑦᓴᖃᕐᕕᕗᑦ ᖃᕆᑕᐅᔭᒃᑯᑦ ᐊᑐᕈᓐᓇᓯᐊᖕᖏᑑᑐᐃᓐᓇᕆᐊᖃᓕᕋᔭᕐᒪᑦ. 

ᑲᑎᕐᓱᐃᑐᐃᓐᓇᕆᐊᖃᕐᑐᒍᑦ ᓇᒻᒥᓂᕐᓅᓕᖓᔪᓂᒃ ᑐᑭᓯᒪᐅᑎᑦᓴᓂᒃ ᐊᑦᔨᒌᖕᖏᑐᓂᒃ ᑲᑎᕐᓱᐃᕕᑦᓴᓂᑦ. ᐆᑦᑐᕋᐅᑎᒋᑦᓱᒍ, ᑐᓴᐅᒪᑎᑦᓯᒍᓐᓇᑐᑎᑦ ᑐᑭᓯᒪᐅᑎᑦᓴᑎᓐᓂᒃ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓄᑦ ᐊᓪᓚᓯᒪᔭᕐᓃᕕᑦ, ᐊᓪᓚᖃᑦᑕᐅᑎᒃᑯᓘᓐᓃᑦ ᖃᕆᑕᐅᔭᒃᑯᑦ,  ᐅᖄᓚᐅᑎᒃᑯᑦ ᐊᓯᐊᒍᓪᓘᓃᑦ, ᑕᕝᕗᓇᓘᓐᓃᑦ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᒍᑦ ᐊᑐᐃᓐᓇᓯᕕᒋᖃᑦᑕᓂᐊᕐᑕᓂᒃ ᐃᓚᐅᒍᓐᓇᐅᑎᑖᕐᓗᑎᑦ, ᐅᕝᕙᓘᓐᓃᑦ ᑐᑭᓯᒪᐅᑎᑦᓴᓂᒃ ᒪᓂᔨᓗᑎᑦ ᐅᕙᑦᑎᓄᑦ. ᐃᓘᓐᓈᒍᑦ, ᑐᑭᓯᒪᐅᑎᑦᓴᑖᑦᑎᓂᒃ ᐊᑐᓲᒍᔪᒍᑦ ᐊᐱᕐᓲᑎᑦᓴᓯᓐᓂᒃ ᑭᐅᒍᓐᓇᖃᑦᑕᓂᐊᕋᑦᑕ, ᑲᒪᒍᓐᓇᓂᐊᕋᑦᑕ ᕿᓄᒍᑎᑦᓯᓂᒃ ᒪᓕᔭᑦᓯᓂᓪᓘᓃᑦ, ᖃᐅᔨᒋᐊᕐᑎᓯᒍᓐᓇᓂᐊᕐᓗᑕ ᐃᓕᑦᓯᓂᒃ  ᑲᑎᒪᔩᑦ NMRIRB ᐱᓪᓗᒋᑦ ᐅᕝᕙᓘᓐᓃᑦ ᑐᑭᓯᒪᐅᑎᑦᓴᓂᒃ ᙯᑦᓯᖃᑦᑕᕈᓐᓇᓂᐊᕋᑦᑕ ᐱᒍᒪᒐᔭᕐᑕᓯᓐᓂᒃ.

ᑖᑦᓱᒥᖓ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂᒃ ᑕᑯᒋᐊᕈᕕᑦ, ᑲᑎᒪᔩᑦ NMRIRB ᑲᑎᕐᓱᐃᑐᐃᓐᓇᕆᐊᖃᕐᒥᔪᑦ ᐱᓪᓗᑯᒋᐊᓕᓐᓅᓕᖓᔪᓂᒃ ᑐᑭᓯᒪᐅᑎᑦᓴᓂᒃ ᖃᓄᖅ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂᒃ ᐊᑐᓲᒍᒻᒪᖔᑦᓯ.  ᑐᑭᓯᒪᐅᑎᑦᓭᑦ ᐃᓚᖃᕈᓐᓇᑎᓪᓗᒋᑦ ᑕᑯᒋᐊᖃᑦᑕᓂᕕᓂᕐᓃᕕᑦ ᑖᑦᓱᒥᖓ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂᒃ, ᑐᕌᕈᑎᖓᓂᓪᓗ IP ᖃᕆᑕᐅᔭᕐᐱᑦ ᓇᓪᓕᐊᓂᓪᓗ browser-ᓚᔭᐅᔪᒥᒃ ᐊᑐᓲᒍᒻᒪᖔᕐᐱᑦ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂᒃ ᑕᑯᒋᐊᕆᐊᖃᓕᕈᕕᑦ. ᐊᐅᓚᑦᓯᒍᑎᓐᓃᕕᓪᓗ, ᖃᕆᑕᐅᔭᐅᑉ ᐃᒐᓛᖓᑕ ᑕᑯᑦᓴᓯᐊᒍᑎᑦᓯᒍᓐᓇᓂᖓᓂᒃ, ᓇᓪᓕᐊᓃᑦᑎᓯᔪᑦᓴᐅᒪᖔᕐᐱᑦ, ᓇᓪᓕᐊᓂᒃ ᐅᖃᐅᓯᕐᒥᒃ ᐊᑐᕈᓐᓇᒪᖔᕐᐱᑦ, ᓇᓪᓕᐊᓂᒃ ᑕᑯᒋᐊᕐᓯᒪᒻᒪᖔᕐᐱᑦ, ᓇᕿᑦᑕᐅᑎᓂᒃ ᓇᓪᓕᐊᓂᒃ ᕿᓂᕐᓯᒪᒻᒪᖔᕐᐱᑦ (ᕿᓂᕈᑎᓂᒃ ᐊᑐᕐᓂᕈᕕᑦ) ᐅᕝᕙᓘᓐᓃᑦ ᖃᑦᓯᓂᒃ ᒪᑉᐱᑐᒐᕐᓂᒃ ᕿᒥᕐᕈᓯᒪᒻᒪᖔᕐᐱᑦ. ᑲᑎᒪᔩᑦ NMRIRB ᐊᑐᕈᓐᓇᑐᑦ ᑕᒪᒃᑯᓂᖓ ᑐᑭᓯᒪᐅᑎᑦᓴᓂᒃ ᖃᐅᔨᒍᒪᒍᑎᒃ ᖃᑦᓯᓄᑦ ᑕᑯᒋᐊᕐᑕᐅᖃᑦᑕᒪᖔᑦ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᖓ, ᖃᐅᔨᒪᒍᑎᑦᓴᒥᓂᒃ ᐱᐅᓯᑎᑦᓯᒋᐊᕈᑎᑦᓴᒥᓂᓪᓗ ᓱᕐᕃᓯᒪᑦᓯᐊᕈᓐᓇᓂᕐᒥᓂᒃ ᐃᑉᐱᒋᔭᖃᕐᓂᐊᓗᑎᓪᓗ ᑲᔪᓯᓂᖃᑦᓯᐊᒪᖔᑦ, ᓴᐳᒻᒥᒍᒪᑦᓱᒍᓗ ᐊᖏᕐᑕᐅᓯᒪᖕᖏᑐᓄᑦ ᑕᑯᒋᐊᕐᑕᐅᒋᐊᖃᖕᖏᓂᖓ.

ᑲᑎᒪᔩᑦ NMRIRB ᐊᑐᕐᑕᐅᑎᑦᓯᖃᑦᑕᓛᖕᖏᑐᑦ ᓇᒻᒥᓂᕐᓅᓕᖓᔪᓂᒃ ᐊᓯᖏᓐᓄᑦ ᑕᑯᒋᐊᕈᒪᔪᓄᑦ ᐊᖏᕐᓯᒪᒍᓐᓀᑎᓪᓗᑎᑦ,  ᑲᑎᒪᔩᑦ NMRIRB ᐱᒍᑦᔨᔨᒋᓲᖏᓐᓄᑦ ᒍᓐᓇᕋᓗᐊᕐᓱᑎᒃ ᐱᖁᔭᑎᒍᓪᓘᓃᑦ ᐱᕕᑦᓴᖃᕐᑎᑕᐅᔪᓂᒃ.

ᑲᑎᒪᔩᑦ NMRIRB ᐱᓇᓱᕝᕕᒥᑎᒍᑦ, ᐱᓇᓱᒍᑎᒥᑎᒍᑦ ᐱᓪᓗᑯᒋᐊᓕᑎᒍᓪᓗ ᓴᐳᒻᒥᓲᑦ ᑭᓇᑐᐃᓐᓇᑯᓐᓂᒃ ᖃᐅᔨᒪᔭᐅᒋᐊᖃᖕᖏᑐᓅᓕᖓᔪᓂᒃ ᓇᒻᒥᓂᕐᒨᓕᖓᑦᓱᑎᒃ ᓴᐳᒻᒥᒍᒪᑦᓱᑎᓪᓗ ᐊᓯᐅᔨᔪᖃᕐᓂᐊᖏᒻᒪᑦ ᑎᓪᓕᒐᐅᔪᖃᕐᓂᐊᖏᒻᒪᓗ. ᐊᖏᕐᑕᐅᓯᒪᖕᖏᑐᓂᓪᓗ ᐊᑐᐃᓐᓇᓯᔪᖃᖃᑦᑕᓂᐊᖕᖏᒪᑦ, ᐅᖃᕈᑎᖃᕐᑐᖃᖃᑦᑕᓂᐊᖕᖏᒪᑦ, ᐊᑦᔨᖏᓐᓂᒃ ᐱᒐᓱᐊᕐᑐᖃᖃᑦᑕᓂᐊᖕᖏᒪᒃ, ᐊᑐᕐᑐᖃᕐᓂᐊᖏᒻᒪᓗ ᐊᓯᑦᔨᑐᐃᔪᖃᖃᑦᑕᓂᐊᖕᖏᒪᓪᓘᓃᑦ.  ᑲᑎᒪᔩᑦ NMRIRB ᓇᔪᕐᑎᖃᓲᑦ ᓇᒻᒥᓂᕐᒨᓕᖓᔪᓂᒃ ᑐᑭᓯᒪᐅᑎᑦᓴᓂᒃ ᐊᑑᑎᖃᕐᓂᓕᒫᖏᓐᓂ ᐊᑑᑎᒋᒋᐊᖃᕐᓯᒪᔭᒥᓂᒃ ᑲᑎᕐᓱᑕᐅᑦᓱᑎᒃ ᐊᖏᕈᑕᐅᓯᒪᔪᕕᓂᐅᑦᓱᑎᒃ ᐊᓯᐊᒍᖔᖅ ᐱᖁᔭᑎᒍᑦ ᐊᖏᕐᓯᒪᒍᑕᐅᓐᓂᐸᑕ.

ᓇᒻᒥᓂᕐᒨᓕᖓᔪᓕᒫᑦ ᑐᑭᓯᒪᐅᑎᑦᓭᑦ ᑲᑎᕐᓱᑕᐅᓯᒪᔪᑦ ᑲᑎᒪᔩᑦ NMRIRB ᐊᐅᓚᑕᐅᓂᖃᕐᐳᑦ ᑲᓇᑕᒥ ᐱᖁᔭᕐᒧᑦ ᐱᑦᔪᑎᓕᒻᒧᑦ ᐃᒻᒥᓂᕐᓱᕈᓐᓇᓂᕐᒥᒃ. ᑕᕝᕘᓇ ᐱᖁᔭᑎᒍᑦ, ᐱᒍᓐᓇᐅᑎᖃᕋᕕᑦ ᐊᑐᐃᓐᓇᖃᕐᑎᑕᐅᒍᓐᓇᓂᕐᒥᒃ ᑕᒻᒪᓯᒪᔪᓂᓪᓗ ᓇᒻᒥᓂᕐᓅᓕᖓᔪᓂᒃ ᑐᑭᓯᒪᐅᑎᑦᓴᓂᒃ ᐋᕐᕿᓱᐃᒍᓐᓇᕕᖃᕐᓱᑎᑦ. ᑌᒣᒍᓐᓇᓂᐊᕋᕕᑦ, ᖃᐅᔨᒋᐊᕐᕕᖃᕈᓐᓇᐳᑎᑦ   ᑲᑎᒪᔩᑦ NMRIRB ᐊᕐᖁᑎᖃᕐᓗᑎᑦ ᑕᑲᑐᒥᖓ ᖃᐅᔨᒋᐊᕐᕕᓴᒥᒃ:

ᐋᑕᒻ ᓘᐃᔅ, alewis@nmrirb.ca

ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᕗᑦ ᐱᑐᑦᓯᒪᑐᐃᓐᓇᕆᐊᖃᕐᒥᔪᖅ ᐊᓯᖏᓐᓄᑦ ᖃᐅᔨᒋᐊᕐᕕᓴᐅᒻᒥᔪᓄᑦ. ᑲᑎᒪᔩᑦ NMRIRB ᑲᒪᒋᔭᑦᓴᖃᖕᖏᓚᑦ ᐊᓯᖏᓐᓂᒃ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᐅᔪᓂᒃ ᑕᑯᒋᐊᕐᑐᕕᓂᐅᒍᕕᑦ, ᐃᓚᐅᒻᒥᑎᓪᓗᒋᑦ ᐃᒻᒥᓂᕐᓱᕈᓐᓇᓂᕐᓗ ᐊᑦᑕᓀᑦᑐᒦᒋᐊᖃᕐᓂᖏᓪᓗ ᓇᒻᒥᓂᕐᒨᓕᖓᔪᑦ ᑐᑭᓯᒪᐅᑎᑦᓭᑦ.  

ᐃᒻᒥᓂᕐᓱᕈᓐᓇᓂᕐᒧᑦ ᒪᓕᒐᖅ ᐊᓯᑦᔨᑐᖃᑦᑕᕈᓐᓇᑐᖅ. ᓄᐃᑦᓯᖃᑦᑕᓛᕐᖁᒍᑦ ᐃᒻᒥᓂᕐᓱᕈᓐᓇᓂᕐᒧᑦ ᒪᓕᒐᖅ ᐊᓯᑦᔨᑐᕐᑕᐅᓯᒪᑉᐸᑦ ᑕᕝᕙᓂ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᓐᓂ ᐊᒻᒪᓗ, ᐊᓯᑦᔨᑐᐃᒍᑏᑦ ᖃᐅᔨᔭᐅᒋᐊᖃᕐᐸᑕ, ᖃᐅᔨᑎᑦᓯᒍᑎᒋᖃᑦᑕᓛᕐᑕᕗᑦ.