ᐊᕐᕌᒍᓄᑦ ᐊᒥᓱᓄᑦ ᐸᕐᓀᕈᑎ
ᐊᕐᕌᒍᒧᑦ ᑮᓇᐅᔭᕐᑐᓂᖓᓄᑦ 2021-2022 ᐱᒋᐊᕐᓂᖓᓂ, ᑲᑎᒪᔩᑦ NMRIRB ᓄᐃᑦᓯᓛᕐᖁᑦ ᐊᕐᕌᒍᓄᑦ ᑕᓪᓕᒪᓅᓕᖓᔪᓂᒃ ᐸᕐᓀᕈᑎᓂᒃ ᐊᑐᓯᓂᖃᓛᕐᑐᓂᒃ ᐁᕆᓕ 1, 2022-ᒥ. ᐸᕐᓀᕈᑎ ᐊᐅᓚᑦᓯᓂᕐᓅᓕᖓᑎᓪᓗᒍ 2022-ᒥᑦ 2027-ᒧᑦ. ᐊᕐᕌᒍᓄᑦ ᐊᒥᓱᓄᑦ ᐸᕐᓀᕈᑎ ᓄᐃᑕᑎᑦᓯᒍᑕᐅᓛᕐᑐᖅ ᐃᓘᓐᓈᒍᑦ ᑲᑎᒪᔩᑦ ᑎᓕᔭᐅᒪᐅᑎᒋᑦᓱᒋᑦ ᐱᓇᓱᐊᕐᑕᖏᓐᓂᒃ, ᑐᕌᒐᓕᐅᕐᓂᒥᓪᓗ ᐱᓇᓱᕝᕕᒥᓄᑦ ᐱᐅᓯᒋᐊᕐᑎᓯᓂᕐᒨᓕᖓᔪᓂᒃ ᐊᐅᓚᑕᐅᓂᖓᓂᒃ ᓯᕗᓪᓕᒥ ᑲᔪᓯᑎᑕᐅᓂᖃᓚᐅᕐᓯᒪᑎᓪᓗᒍᓂᑦ ᓄᓇᕕᒻᒥ ᐃᓄᐃ ᓄᓇᑖᕋᓱᐊᕐᓂᒧᑦ ᐊᖏᖃᑎᒌᒍᑎᖓ (NICLA).
ᐊᕐᕌᒍᓄᑦ ᐊᒥᓱᓄᑦ ᐸᕐᓀᕈᑎ ᓯᕗᓪᓕᐅᔨᒐᑦᓴᑕᖃᓛᕐᑐᖅ ᑐᕌᒐᓕᐅᕐᓯᒪᒍᑕᐅᓗᓂᓗ ᑲᑎᒪᔨᓅᓕᖓᔪᓂᒃ NMRIRB ᓯᕗᒻᒧᕆᐊᕈᑎᑦᓴᖏᓐᓂᒃ ᖃᐅᔨᓴᕐᓂᑕᖃᕐᓗᓂᓗ ᓱᕐᕋᑕᐅᓯᒪᒍᑕᐅᑐᐃᓐᓇᕆᐊᓕᓐᓂᒃ, ᐊᑯᓃᕐᑐᒧᓪᓗ ᐱᓇᓱᕝᕕᐅᓚᖓᓗᓂ, ᐃᓱᒪᒋᑦᓯᐊᓗᒋᑦ ᑐᖕᖓᕕᐅᔪᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ, ᓇᐅᓕᒫᑦ ᓇᓗᕐᖁᑎᒍᓐᓀᓗᑎᒃ ᐃᓚᐅᑦᓯᐊᖃᑦᑕᖁᓗᒋᑦ ᑲᑎᒪᔩᑦ NMRIRB ᐱᓇᓱᐊᕐᑕᖏᓐᓄᑦ ᖃᓄᕐᓗ ᑲᑎᒪᔩᑦ NMRIRB ᑲᑐᑦᔨᖃᑎᖃᕈᓐᓇᒪᖔᑕ ᐊᓯᖏᓐᓂᒃ ᐱᓇᓱᕝᕕᓂᒃ ᑌᒣᑦᑐᓭᓐᓇᒐᓛᓂᒃ ᑎᓕᔭᐅᒪᐅᑎᓕᓐᓂᒃ ᑐᕌᒐᓕᓐᓂᓗ.