ᐱᓇᓱᑦᑎᖏᑦ

ᐋᑕᒻ ᒪᑭᕝᕕᒥ ᐱᓇᓱᑦᑎᐅᓯᒪᔪᖅ 2002-ᒥᑦ 2018-ᒧᑦ. 2002-ᒥᑦ 2016-ᒧᑦ ᐱᓇᓱᐊᕐᓯᒪᑦᓱᓂ ᐊᕙᑎᓕᕆᓂᕐᒧᑦ, ᐆᒪᔪᓕᕆᓂᕐᒧᑦ ᖃᐅᔨᓴᕐᓂᒧᓪᓗ ᐊᓪᓚᕕᒻᒥ, ᑲᑎᒪᔨᐅᖃᑕᐅᑦᓱᓂ ᓄᓇᖕᖑᐊᓕᕆᓂᕐᒧᑦ ᐊᖏᖃᑎᒌᒐᓱᐊᖃᑕᐅᑎᓪᓗᒋᑦ ᑲᑎᒪᔩᑦ NILCA-ᑯᑦ. 2016-ᒥᑦ 2018-ᒧᑦ ᑐᑭᒧᐊᑦᑎᓯᔨᖕᖑᓕᕐᓂᒥᔪᖅ ᒪᑭᑉᐸᓕᐊᒍᑎᑦᓴᓕᕆᓂᕐᓄᑦ ᐊᑦᔨᒌᖕᖏᑐᓂᒃ ᐱᔭᑦᓴᖃᕐᓱᓂ ᐅᔭᕋᕐᓂᐊᓂᓕᕆᓂᕐᓂᒃ ᐱᑦᓴᖑᕆᐊᓪᓚᑐᑦᓴᓂᓪᓗ ᐃᑯᒪᐅᑎᑦᓴᓕᕆᓂᕐᓂᒃ. ᒣ 2020-ᒥ, ᐋᑕᒻ ᑲᒪᔨᒻᒪᕆᖕᖑᑐᕕᓂᖅ ᑲᑎᒪᔨᖏᓐᓄᑦ NMRIRB ᐅᓪᓗᑕᒫᕐᓯᐅᑎᖏᓐᓂᒃ ᐊᐅᓚᑦᓯᔨᐅᑦᓱᓂ ᑲᑎᒪᔩᑦ NMRIRB ᑐᓴᕐᑎᓯᒋᐊᖃᓲᒍᑦᓱᓂᓗ ᑲᑎᒪᔨᓂᒃ.

ᑖᓖᓐ ᐱᓇᓱᑦᑎᒋᔭᐅᓚᐅᕐᑐᖅ ᒪᑭᕝᕕᑯᓐᓄᑦ ᐱᒋᐊᕐᓱᒍ 2015 ᑎᑭᑦᓱᒍ 2024 ᐊᑦᔨᒌᖕᖏᑐᓂᒃ ᐱᓇᓱᐊᕐᑕᖃᕐᓱᓂ ᑮᓇᐅᔭᓕᕆᕕᐅᑉ ᐱᑦᔪᔨᕕᖓᓂᒃ, ᐱᓇᓱᑦᑎᓕᕆᕕᒃ ᐊᒻᒪᓗ ᐱᖁᔭᓕᕆᕕᒃ. ᐱᓇᓱᕝᕕᖃᕐᖃᒥᐅᓚᐅᕐᓱᓂ ᐱᖁᔭᓕᕆᕕᐅᑉ ᐱᑦᔪᔨᕕᖓᓂᒃ ᐱᕕᑦᓴᖃᕐᕕᒋᓚᐅᕐᑕᖓ ᐱᓇᓱᖃᑎᖃᕈᓐᓇᓯᔪᕕᓂᐅᓂᖓ ᐱᑦᔪᕕᖓᓗ ᐊᒻᒪᓗ ᓄᓇᕕᒻᒥᐅᑦ ᐃᓚᐅᔫᔪᖏᑦ. ᐱᓇᓱᓐᓂᒥᓂᒃ NMRIRB-ᑯᓂᒃ ᓄᓇᓕᓐᓂᒃ ᐃᓚᐅᑎᑦᓯᓂᕐᒥᒃ ᖃᓄᐃᓘᒋᐊᖁᔨᔨᐅᓂᕐᒥᒃ ᑲᒪᒋᔭᖃᓲᖑᕗᖅ ᐃᓚᐅᑎᑦᓯᓂᕐᒥᒃ ᓄᓇᕕᒻᒥᐅᑦ ᐃᓄᖏᓐᓂᒃ ᐱᓇᓱᐊᒐᑦᓭᑦ ᒪᓂᔭᐅᓯᒪᒍᑎᖏᓐᓂᒃ NMRIRB-ᑯᓄᑦ. ᑖᓖᓐ ᓯᕗᓪᓕᐸᐅᑦᔨᒐᑦᓴᓕᒃ ᐃᑲᔪᕐᓯᓂᕐᒥᒃ ᓄᓇᓕᒻᒥᐅᓂᒃ, ᓱᕐᕋᑕᐅᒪᔪᓂᒃ ᐃᓄᓐᓂᒃ ᐃᓕᒃᑯᑦ, ᐊᒥᓲᓈᕐᑎᑐᓂᒃ ᐊᒻᒪᓗ ᑎᒥᐅᔪᓂᒃ ᓂᐱᖃᕐᑎᓯᓂᒃᑯᑦ ᐊᒻᒪᓗ ᐃᓚᐅᑎᑦᓯᓂᒃᑯᑦ ᐃᓄᓕᒫᑦ ᖃᐅᔨᒋᐊᕕᐅᓂᖃᕐᑎᓗᒋᑦ.