ᑎᓕᔭᐅᒪᐅᑎᖏᑦ
ᑲᑎᒪᔩᑦ NMRIRB ᓄᐃᑕᐅᓯᒪᕗᑦ ᐱᓇᓱᕝᕕᖁᑎᐅᓚᖓᑦᓱᑎᒃ ᓇᐅᓕᒫᑦ ᑲᕙᒪᖓᓄᑦ ᐊᑎᓕᐅᕐᕕᐅᑎᓪᓗᒍ ᑲᔪᓯᑎᑕᐅᓂᖃᕐᑎᓗᒍᓗ ᓄᓇᕕᒻᒥ ᐃᓄᐃᑦ ᓄᓇᑖᕋᓱᐊᕐᓂᒧᑦ ᐊᖏᖃᑎᒌᒍᑎᖓ. ᑲᒪᒋᔭᑦᓴᖃᕐᑐᓂᒃ ᐊᐅᓚᑦᓯᓂᕐᒥᒃ ᑲᑎᒪᔩᑦ NMRIRB ᐊᖓᔪᕐᖄᕆᔭᐅᑦᓱᑎᓪᓗ ᑲᑎᒪᔨᓄᑦ NMRIRB.
ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᓴᕐᑎᒪᕇᓪᓗ ᖃᐅᔨᓴᕈᓯᖏᓐᓂᒃ ᐊᑐᕐᓱᑎᒃ, ᑲᑎᒪᔩᑦ NMRIRB ᖃᐅᔨᓴᓲᒍᕗᑦ ᐆᒪᔪᐃᑦ ᓇᔪᓲᖏᓐᓂ ᐃᓅᓯᕐᒨᓕᖓᔪᓂᓪᓗ-ᒪᑭᑕᒐᓱᐊᕐᓂᒨᓕᖓᔪᓂᓪᓗ ᓱᕐᕋᑕᐅᓂᐅᒍᓐᓇᑐᓂᒃ ᐱᓇᓱᐊᕐᑕᐅᒍᒪᔪᓄᑦ ᐱᕙᓪᓕᐊᔭᐅᔪᓅᓕᖓᔪᑦ ᓄᓇᕕᐅᑉ ᑕᕆᐅᖓᓂ ᐅᓐᓂᑑᑎᓕᐅᖃᑦᑕᓛᕐᓱᑎᓪᓗ ᓇᓪᓕᖏᑦ ᐱᓇᓱᐊᕐᑕᐅᒍᒪᔪᑦ ᑲᔪᓯᔪᑦᓴᐅᒪᖔᑕ. ᑲᑎᒪᔩᑦ ᓄᐃᑦᓯᓛᕐᒥᔪᑦ ᐃᑉᐱᒍᓱᒍᑎᑦᓴᓂᒃ ᐱᓇᓱᐊᕐᑕᐅᒍᒪᔪᓂᒃ ᖃᐅᔨᓴᕐᑕᐅᒌᕐᓯᒪᔪᓂᒃ ᐊᖏᕈᑕᐅᒌᕐᓯᒪᔪᓂᓪᓗ ᑲᔪᓯᒍᓐᓇᓕᕐᓱᑎᒃ.
ᑲᑎᒪᔩᑦ NMRIRB ᐱᔭᑦᓴᕆᕙᓪᓗᓲᖏᑦ:
- ᕿᒥᕐᕈᖃᑦᑕᓚᖓᑦᓱᑎᒃ ᐱᓇᓱᐊᕐᑕᐅᒍᒪᔪᓂᒃ ᕿᒥᕐᕈᕆᐊᓪᓚᑕᐅᔪᑦᓴᐅᒪᖔᑕ ᑐᑭᑖᓚᖓᑦᓱᑎᒃ;
- ᖃᓄᓐᓗᐊᑎᒋ ᓄᓇᕕᒻᒥᒃ ᓱᕐᕃᓂᖃᕋᔭᕐᒪᖔᑦ ᖃᐅᔨᓴᕐᓗᑎᒃ ᐱᓇᓱᐊᕐᑕᐅᒍᒪᔫᑉ, ᑐᑭᑖᕈᑕᐅᒐᔭᕐᑎᓗᒍ ᑐᕐᖃᑕᕐᕕᒧᑦ ᓄᓇᕕᒻᒥ ᐱᓇᓱᐊᕐᑕᐅᒍᒪᒐᔭᕐᓂᖓᓂᒃ ᑐᑭᑖᕈᑎᖃᕐᓗᓂ;
- ᕿᒥᕐᕈᕆᐊᑦᓯᐊᓂᐊᕐᓗᑎᒃ ᐆᒪᔪᐃᑦ ᓇᔪᓲᖏᑦᑕ ᓱᕐᕋᑕᐅᓂᕆᒍᓐᓇᑕᖏᓐᓂᒃ ᐃᓅᓯᕐᒨᓕᖓᔪᐃᓪᓗ-ᒪᑭᑕᒐᓱᐊᕐᓂᒨᓕᖓᔪᐃᓪᓗ ᓱᕐᕋᑕᐅᓂᕆᒍᓐᓇᑕᖏᓐᓂᒃ ᐱᓇᓱᐊᕐᑕᐅᒍᒪᔪᓄᑦ;
- ᕿᒥᕐᕈᕆᐊᑦᓯᐊᑐᕕᓂᐅᓗᑎᒃ, ᑐᑭᑖᕋᔭᕐᓗᑎᒃ, ᐱᓇᓱᐊᕐᑕᐅᒍᒪᔪᑦ ᑲᔪᓯᔪᑦᓴᐅᒪᖔᑕ, ᑲᔪᓯᓚᖓᑉᐸᑕᓗ, ᓱᓇᓂᒃ ᒪᓕᒐᕐᑕᖃᓚᖓᕙᑦ, ᑐᓴᕐᑎᓯᒍᑎᒋᓚᖓᓗᒋᑦ ᑐᑭᑖᕆᔭᖏᑦ ᑐᕐᖃᑕᕐᕕᒥᒃ; ᓱᓕᓗ, ᑲᑎᒪᔩᑦ NMRIRB ᑐᑭᑖᕆᔭᖏᑦ ᓲᓱᒋᔭᐅᒋᐊᖃᕐᓂᖓᓅᓕᖓᔪᑦ ᐃᓅᓯᕐᒨᓕᖓᔪᐃᓪᓗ-ᒪᑭᑕᒐᓱᐊᕐᓂᒨᓕᖓᔪᐃᓪᓗ ᓱᕐᕋᑕᐅᒍᑎᐅᒍᓐᓇᑐᑦ ᐆᒪᔪᐃᑦ ᓇᔪᓲᖓᓅᓕᖓᖕᖏᑐᑦ ᐅᓐᓂᑑᑎᑦᓴᑎᑐᑦ ᑐᕐᖃᑕᕐᕕᒧᑦ ᑲᒪᒋᔭᐅᒐᔭᕐᑎᓗᒋᑦ; ᐊᒻᒪᓗ
ᐃᑉᐱᒋᔭᖃᕐᓂᐊᓗᑎᒃ ᐱᓇᓱᐊᕐᑕᐅᔪᓂᒃ ᒪᓕᓪᓗᒋᑦ ᐱᕕᑦᓴᖃᕐᑎᓯᒍᑎᑕᖏᑦ 7-ᒦᑦᑐᑦ ᐅᖃᐅᓯᕐᑕᖏᓐᓂ ᓄᓇᕕᒻᒥ ᐃᓄᐃᑦ ᓄᓇᑖᕋᓱᐊᕐᓂᒧᑦ ᐊᖏᖃᑎᒌᒍᑎᖓᓂ.
