ᐅᖃᐅᓯᑦᓴᓂᒃ ᒪᓂᔨᓂᖅ
ᖃᓄᖅ ᒪᓂᔨᒍᓐᓇᐳᖓ ᐅᖃᐅᓯᑦᓴᓂᒃ ?
ᑲᑎᒪᔩᑦ NMRIRB ᕿᒥᕐᕈᓂᖃᕆᐊᑕᒫᑦ ᓇᐅᓕᒫᓄᑦ ᐅᖃᐅᓯᑦᓴᖃᕐᕕᐅᒍᓐᓇᓲᑦ 21 ᐅᓪᓗᐃᑦ ᑎᑭᑦᓱᒋᑦ. ᕿᒥᕐᕈᕆᐊᓯᑐᐊᕋᒥᒃ, ᓇᐅᓕᒫᓂᒃ ᖃᐅᔨᑎᑦᓯᒍᑎᓂᒃ ᓄᐃᑦᓯᓲᑦ ᖃᕆᑕᐅᔭᒃᑯᑦ ᐊᑐᐊᕐᑕᐅᖃᑦᑕᕈᓐᓇᑎᓪᓗᒋᑦ ᓱᕐᕋᑕᐅᑐᐃᓐᓇᕆᐊᓕᓐᓃᑐᑦ ᓄᓇᓕᓐᓂ ᖃᐅᔨᑎᑦᓱᒋᑦ, ᒪᑭᕝᕕᐅᑉ ᑎᒃᑯᐊᓯᒪᔭᖏᑦ ᐱᓇᓱᕝᕖᑦ, ᑲᕙᒣᑦ ᐊᓯᖏᓪᓗ ᑕᒪᑐᒥᖓ ᐱᓇᓱᐊᖃᑕᐅᒍᒪᓲᑦ. ᐱᓇᓱᖃᑕᐅᔪᑦ ᑕᒪᑐᒥᖓ ᐅᖃᐅᓯᑦᓴᒥᓂᒃ ᒪᓂᔨᖁᔭᐅᓲᑦ ᐱᓇᓱᑦᑕᐅᒍᒪᔪᖅ ᐱᓪᓗᒍ ᓱᕐᕃᓂᕆᑐᐃᓐᓇᕆᐊᓕᖏᓪᓗ ᐃᓱᒪᑦᓴᓯᐅᕈᑎᒋᓚᖓᔭᖏᓐᓂᐅᒃ ᑲᑎᒪᔩᑦ NMRIRB. ᐅᖃᐅᓯᑦᓴᑖᕆᔭᐅᔪᕕᓂᓕᒫᑦ ᕿᒥᕐᕈᓂᖃᕐᑎᓗᒋᑦ ᑲᑎᒪᔩᑦ NMRIRB ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᖓᓅᕐᑕᐅᓲᑦ ᑕᑯᒋᐊᕐᑕᐅᒍᓐᓇᓱᑎᒃ ᓇᐅᓕᒫᓄᑦ. ᐅᖃᐅᓯᑦᓴᕆᔭᐅᔪᑦ ᖃᖓᑐᐃᓐᓇᖅ ᒪᓂᔭᐅᒍᓐᓇᒥᔪᑦ ᕿᒥᕐᕈᔭᐅᔪᓄᑦ ᐃᑉᐱᒍᓱᓐᓂᒥᓪᓗ ᐱᓇᓱᑦᑕᐅᔪᑎᒍᑦ ᐅᖃᐅᓯᐅᓛᕐᓗᑎᒃ ᑲᑎᒪᔨᓄᑦ NMRIRB.
ᓯᑕᒪᐅᕗᑦ ᒪᓂᔨᒍᓯᐅᒍᓐᓇᑐᑦ ᐅᖃᐅᓯᑦᓴᕆᔭᑦᓯᓂᒃ ᑲᑎᒪᔨᓄᑦ NMRIRB:
1. ᓇᐅᓕᒫᓂᒃ ᑐᓴᐅᒪᑎᑦᓯᕕᒻᒧᑦ ᐊᓪᓚᓗᒋᑦ ᐅᖃᐅᓯᑦᓴᑎᑦ (ᑕᑯᓗᒋᑦ ᑕᑲᒃᑯᐊ ᑐᑭᓯᒋᐊᓪᓚᕕᑦᓭᑦ)
2. ᖃᕆᑕᐅᔭᒃᑯᑦ ᐊᓪᓚᕕᒋᓗᒋᑦ ᐅᖃᐅᓯᑦᓴᓯᓐᓂᒃ ᐅᕗᖓ info@nmrirb.ca
3. ᐅᖄᓚᕕᒋᓗᒋᑦ ᑲᑎᒪᔩᑦ NMRIRB: 5134-449-3473ᐅᕗᖓ: 5134-449-3473
4. ᐅᖃᐅᓯᑦᓴᓂᒃ ᐊᓪᓚᕕᑦᓴᒧᑦ ᐊᓪᓚᓗᒋᑦ ᐃᓄᓕᒫᕐᑎᓯᓕᕐᐸᑕ ᑲᑎᒪᔩᑦ NMRIRB ᐱᓇᓱᑦᑎᖏᑦᑕ ᓇᓪᓕᐊᓄᑦ ᑐᓂᓗᒋᑦ
ᐅᖃᐅᓯᑦᓴᓂᒃ ᒪᓂᔨᒍᓯᖅ ᑲᑎᒪᔩᑦ NMRIRB ᓇᐅᓕᒫᓂᒃ ᑐᓴᐅᒪᑎᑦᓯᕕᖓᓄᑦ
ᐱᓂᐊᕐᓂᑕᖓ 1: ᐱᑐᓪᓗᑎᑦ ᐅᕗᖓ (sign in box) ᐃᓚᐅᒍᑏᑦ ᐊᓪᓚᓗᒍ. ᐃᓚᐅᒍᑎᖃᖕᖏᑯᕕᑦ, ᐃᓚᐅᒍᑎᑦᓴᓕᐅᕐᓗᑎᑦ ᐅᕗᖕᖓᓗᑎᑦ Register for an Account. ᐊᑐᕈᓐᓇᓯᓛᕈᓇᐅᔪᖅ ᓇᐅᓕᒫᓅᓕᖓᔪᑦ ᐊᓪᓚᑕᐅᓯᒪᕕᖓ ᐃᓱᓕᓂᖓᓂ ᒫᑦᓯ 2022.
