ᑲᑎᒪᔨᖏᑦ

ᐹᕆ ᕘᑦ, ᐱᕈᕐᓴᓯᒪᔪᖅ ᑰᑦᔪᐊᒥ, ᖃᐅᔨᓴᕐᑎᐅᓂᕐᒥᓂᒃ ᐱᓇᓱᓯᒋᐊᕐᓯᒪᔪᖅ ᓄᓇᕕᒻᒥ ᖃᐅᔨᓴᕐᕕᒥ ᐃᓓᓐᓇᓯᐅᑎᐅᑦᓱᓂ ᐱᓇᓱᐊᕐᓱᓂ ᐳᕐᑐᓂᕐᓴᒥᒃ ᐃᓕᓵᒍᑦᓱᓂ, ᓱᕐᖄᑎᕆᕙᑦᓱᓂ ᐃᖃᓗᓐᓂᒃ, ᐊᑐᐃᓐᓇᕈᕐᑎᕆᕙᑦᓱᓂ ᖃᐅᔨᓴᕋᑦᓴᓂᒃ ᑐᖁᓐᓇᑐᕐᑕᖃᕐᑐᖃᕐᒪᖔᑦ, ᕿᓚᓗᒐᕕᓂᕐᓂᒃ ᖃᐅᔨᓴᕋᑦᓴᑖᒍᓯᒪᔪᓂᒃ ᖃᐅᔨᓴᕐᐸᓱᓂ ᕿᓚᓗᒐᕐᓂᐊᓇᐅᑎᓪᓗᒍ, ᐃᑲᔪᕐᐸᓱᓂᓗ ᐊᕙᑎᐅᑉ ᓴᓗᒻᒪᓴᕐᑕᐅᓂᖓᓂᒃ ᐱᓇᓱᐊᕐᑐᓂᒃ. ᐃᓕᓴᕇᕐᓯᒪᔪᖅ ᐱᒍᓐᓇᐅᑎᑖᕐᓱᓂ B.Sc. ᐃᓕᓐᓂᐊᕕᕐᔪᐊᒥᑦ McGill University's Macdonald Campus ᑎᓯᒻᐸ 2005-ᒥ ᐅᑎᕐᓱᓂᓗ ᑰᑦᔪᐊᒧᑦ ᐱᓇᓱᒋᐊᕐᑐᓯᑦᓱᓂ ᐆᒪᔪᓂᒃ ᖃᐅᔨᓴᕐᑎᐅᓂᕐᒥᒃ ᒪᑭᕝᕕᒥ. ᐹᕆ ᐱᓇᓱᐊᖃᑕᐅᖃᑦᑕᓯᒪᔪᖅ ᑲᓇᑕᒥᐅᑦ ᑲᕙᒪᖓᑕ ᐱᓇᓱᐊᕐᑕᖏᓐᓂᒃ ᓯᓚᕐᔪᐊᓕᒫᒥ ᓇᓄᓕᕆᓂᐅᑉ ᐊᕐᕌᒍᖃᕐᑎᑕᐅᓂᖓᓂᒃ (IPY) ᓄᓇᕕᒻᒥ ᐊᐅᓚᑦᓯᔨᒋᔭᐅᑦᓱᓂ ᑰᑦᔪᐊᒥ ᑕᒪᑐᒥᖓ. ᑲᔪᓯᑎᑦᓯᒋᐊᖃᕐᓱᓂ ᖃᐅᔨᓴᕐᓂᐅᑉ ᐱᓇᓱᐊᕐᑕᐅᓂᖓᓂᒃ ᑐᑭᒧᐊᑦᑎᓯᒋᐊᖃᕐᐸᓱᓂ ᐃᑲᔪᕐᓯᒪᒋᐊᖃᕐᓱᓂᓗ IPY ᖃᐅᔨᓴᕐᑎᓂᒃ ᓄᓇᕕᒻᒥ. ᐹᕆ ᐊᐅᓚᑦᓯᔨᐅᓯᒪᔪᖅ ᑐᓴᐅᒪᑎᑦᓯᖃᑕᐅᒋᐊᖃᕐᓂᒥᒃ ᓄᓇᓕᒻᒦᑐᓂᒃ ᖃᐅᔨᓴᕐᓂᓅᓕᖓᔪᓂᒃ ᑐᓴᕐᕕᖃᕐᐸᓱᓂᓗ ᐃᓱᒪᒋᔭᖏᓐᓂᒃ ᓄᓇᓕᒻᒥᐅᑦ.

ᒪᑭᕝᕕᒥ ᐱᓇᓱᑦᑎᐅᓯᒪᓕᕐᑐᖅ ᐊᕐᕌᒍᓂ ᖁᓕᓪᓗ ᑕᓪᓕᒪᓪᓗᓂᒃ ᐊᑦᔨᒌᖕᖏᑐᓂᒃ ᐱᓇᓱᐊᕐᐸᓱᓂ ᐆᒪᔪᓂᒃ ᖃᐅᔨᓴᕐᑎᐅᓂᕐᒥᒃ, ᐅᔭᕋᕐᓂᐊᓂᕐᓄᑦ ᒪᓕᒐᕐᒥᒃ, ᓄᓇᓕᒻᒦᑐᓂᓪᓗ ᐱᓇᓱᖃᑎᖃᕐᓂᒥᒃ ᐊᑐᖃᑦᑕᕆᐊᖃᕐᓂᒥᓪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᓴᕐᓂᓂᒃ ᑲᔪᓯᑎᑦᓯᓂᕐᒥᓂ. ᑕᒐᑕᒐ ᐱᖕᖑᑐᑦᓴᓕᕆᓂᕐᒥᒃ ᐊᑕᐅᑦᓯᑰᕐᑎᓯᔨ ᐊᓪᓚᕕᒻᒥ ᐊᕙᑎᓕᕆᓂᕐᒧᑦ, ᐆᒪᔪᓕᕆᓂᕐᒧ, ᖃᐅᔨᓴᕐᓂᓄᓪᓗ.

ᐱᑕ ᐃᓅᓕᕐᓯᒪᔪᖅ ᓄᕕᒻᐸ 12, 1958-ᒥ ᑰᑦᔪᐊᑐᖃᕐᒥ (ᑰᑦᔪᐊᒥ). ᐱᕈᕐᓴᑕᐅᓯᒪᑦᓱᓂ ᑰᑦᔪᐊᑉ ᓴᓂᐊᓂ ᑲᖏᕐᓱᐊᓗᑦᔪᐊᓗ ᓴᓂᐊᓂ. ᐱᑕ ᑎᒃᑯᐊᑕᐅᓯᒪᔪᖅ ᒪᑭᕝᕕᒧᑦ ᑲᑎᒪᔨᐅᖃᑕᐅᓂᐊᓕᕐᑎᓗᒍ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑎᓯᒻᐸ 2009-ᒍᑎᓪᓗᒍ ᓱᓕᓗ ᑲᑎᒪᔨᐅᕕᒋᑦᓱᒍ. ᐱᓇᓱᐊᕐᓯᒪᔪᖅ ᓄᓇᕕᒻᒥ ᖃᐅᔨᓴᕐᕕᒥ (ᒪᑭᕝᕕᒥ) 1983-ᒥᓂᑦ ᓱᓕᓗ ᑌᑲᓂ ᐱᓇᓱᐊᕐᓱᓂ ᐊᑦᔨᒌᖕᖏᑐᓂᒃ ᐆᒪᔪᓕᕆᓂᕐᓅᓕᖓᔪᓂᒃ ᐃᓚᖃᕐᒥᑎᓪᓗᒋᑦ ᐱᓇᓱᐊᕐᑕᖏᑦ ᖃᐅᔨᓴᕐᓂᒥᒃ ᐅᔭᕋᕐᓂᐊᕕᐅᒍᒪᒐᔭᕐᑐᓂᒃ. ᐅᐱᖕᖔᑯᑦ (ᐊᐅᔭᒃᑯᑦ) ᓇᒻᒥᓂᕐᒥᓂᒃ ᐊᐅᓚᑦᓯᓲᖅ ᓵᒪᓐᓂᐊᕕᒻᒥᒃ ᑲᖏᕐᓱᐊᓗᑦᔪᐊᒦᑦᑐᒥᒃ. Pyramid Mountain Camp. ᓱᖃᑦᓯᖑᐊᕈᑎᖃᓲᖅ ᐆᒪᔪᕕᓂᕐᓂᒃ ᑎᒥᖕᖑᐊᓕᐅᕐᓂᒥᒃ, ᒪᙯᓐᓂᒥᒃ ᐃᕐᖃᑕᕆᐊᕐᖃᑦᑕᓂᕐᒥᓗ ᓵᒪᓂᒃ.

ᑲᑎᑎᑕᐅᓯᒪᖃᑎᓕᒃ ᐊᕐᓇᒥᓂᒃ ᑳᑐᕆᓐ ᐹᕐᖂᒥᒃ ᕿᑐᕐᖓᖃᕐᓱᑎᒃ ᐱᖓᓱᓂᒃ.

ᓃᓪ ᐅᑭᐅᕐᑕᑐᒥ ᐱᓇᓱᐊᖃᑦᑕᓯᒪᓕᕐᑐᖅ ᐊᕐᕌᒍᐃᑦ 50 ᐅᖓᑖᓅᕐᑐᓂ. ᑕᑉᐱᑯᓄᓂ ᐊᕐᕌᒍᓃᑦᑐᓂ, 40 ᐊᕐᕌᒍᐃ ᐅᖓᑖᓅᕐᑐᓂᒃ ᐱᓇᓱᐊᕐᓯᒪᓱᓂ ᐅᒥᐊᕐᕈᐊᓕᕆᓂᕐᒥᒃ ᐱᓇᓱᐊᕐᓯᒪᑦᓱᓂᓗ ᓄᓇᓕᓐᓂ ᐃᖃᓗᓕᕆᓂᕐᒥᒃ ᐅᒥᐊᕐᕈᐊᓕᕆᓂᕐᒥᓗ. ᐃᑲᔪᕐᓯᖃᑕᐅᓯᒪᑦᓱᓂᓗ ᓄᐃᑕᐅᕙᓪᓕᐊᓂᖓᓂᒃ ᑕᖅᕋᒥ ᑭᖑᕐᓚᓂᐊᕐᓂᐅᑉ ᑲᓇᑕᒥ ᓇᓗᓀᕐᓯᓯᒪᑦᓱᓂ ᐊᒥᓱᓂᒃ ᓄᑖᓂᒃ ᐃᑲᔪᕐᓯᒍᑎᑦᓴᓂᒃ ᐱᕙᓪᓕᐊᔭᐅᓂᕆᒋᐊᓕᖓᓄᑦ ᑲᔪᓯᑎᑕᐅᓂᕆᒋᐊᓕᖓᓄᓪᓗ ᖃᐅᔨᓴᕐᓃᑦ ᐱᒋᐊᕐᑎᑕᐅᓯᒪᓂᖏᑦᑕ ᑕᖅᕋᓕᒫᒥ. ᐱᓇᓱᐊᖃᑦᑕᐅᓯᒪᑦᓱᓂᓗ ᐱᕙᓪᓕᐅᔭᐅᓂᖓᓂᒃ ᑭᖑᕐᓚᓂᐊᕐᓂᐅᑉ ᑲᓇᑕᒥ ᑲᒪᒋᔭᖃᕐᓯᒪᑦᓱᓂᓗ ᓇᓗᓀᕐᓯᖃᑦᑕᓂᕐᒥᒃ ᐊᒥᓱᓂ ᓄᑖᓂᒃ ᐃᑲᔪᕐᑕᐅᒍᑎᑦᓴᓂᒃ.
ᐅᒥᐊᕐᕈᐊᓕᕆᓂᕐᒥᒃ ᐱᓇᓱᐊᖃᑦᑕᓯᒪᒻᒥᓱᓂ, ᓃᓪ ᐱᓇᓱᐊᓕᓂᓪᓚᕆᐅᒋᕗᖅ ᐱᓇᓱᒐᖃᕐᕕᒥᒃ ᐊᐅᓚᑦᓯᔨᐅᓂᕐᒥᒃ ᖃᐅᔨᒋᐊᕐᕕᖃᖃᑦᑕᓯᒪᑦᓱᓂᓗ ᐊᑦᔨᒌᖕᖏᑐᓂᒃ ᓯᓚᕐᔪᐊᓕᒫᒥ ᐱᓇᓱᐊᕐᑕᐅᔪᓂᒃ ᐊᑦᔨᒋᖕᖏᑐᓂᒃ ᐱᓇᓱᕝᕕᓂᒃ ᖃᐅᔨᒋᐊᕈᑦᔨᓱᓂ ᐱᒋᐊᕐᑕᐅᓯᒪᔪᓂᒃ Africa-ᒥ, Central America-ᒥᓪᓗ.

ᓃᓪ ᑰᑦᔪᐊᒥᐅᒍᕗᖅ ᑕᒐᑕᒐ ᑐᑭᒧᐊᑦᑎᓯᒋᐊᖃᕐᓂᒧᑦ ᐊᐅᓚᑦᓯᒋᐊᖃᕐᓂᒧᓪᓗ ᐃᒫᙰᓚᔨᐅᑦᓱᓂ ᐱᓇᓱᒐᖃᕐᕕᓂᒃ.

ᓄᐊ ᒨᓱᓯ 44-ᓂᒃ ᐊᒃᕌᒍᓕᒃ ᓄᓇᑦᓯᐊᕖᖔᓗᒥᐅᔭᐅᓱᓂ ᐸᓐᓂᕐᑑᕐᒥᐅᖅ, ᓄᓇᕗᒻᒥ, ᐅᑭᐅᑕᑑᑉ ᓯᓚᖓ ᐊᒻᒪᓗ ᐃᒪᖏᑦ ᐅᓪᓗᓯᐅᕈᑕᐅᔪᓂ. ᓄᐊ ᐊᓕᐊᒋᔭᖃᒻᒪᕆᒃᑯᖅ ᐅᒥᐊᕐᑐᕆᐊᒥᒃ ᐊᒻᒪᓗ ᐃᒪᕐᒥ ᓱᒐᓚᓐᓂᐅᔪᓂ ᑕᑯᒥᓇᕐᓗᑐᐊᓗᓂ ᓄᓇᒦᑦᑐᐃᑦ ᐊᒻᒪᓗ ᑲᖏᕐᓱᖏᓐᓂ. ᐊᑖᑕᒋᔭᐅᔪᖅ ᓯᑕᒪᓂᒃ ᕿᑐᕐᖓᓕᒃ, ᐃᓚᒥᓂᒃ ᒪᖃᐃᖃᑎᖃᕈᓐᓇᓯᐊᕐᓱᓂ ᑕᑯᒥᓇᕐᑐᔪᐊᒥ ᑲᓇᑕᒥ ᐅᑭᐅᕐᑕᑐᖓᓂ. ᒪᖃᐃᒋᐊᒥᒃ ᐊᓕᐊᒋᔭᖃᒻᒪᕆᑦᑐᖅ, ᖃᐅᔨᒪᑦᓯᐊᑑᓱᓂ ᓄᓇᒥ ᐊᒻᒪᓗ ᐱᐅᓯᑐᖃᐅᔪᓂ ᐃᓄᐃᑦ ᓄᓇᖓᓐᓂ. ᓄᐊ ᐱᓇᓱᐊᖑᕗᖅ ᐳᕐᑐᓂᕐᓴᒥ ᑐᑭᒧᐊᑎᓯᔨᐅᖃᑕᐅᓱᓂ ᐊᑦᑕᓇᖕᖏᑐᒥ ᐅᐸᐅᑎᕕᐅᒍᓐᓇᑐᒥᒃ ᐃᓚᒪᖕᖏᑐᓄᑦ ᑌᔭᐅᒍᓯᓕᒻᒥ ᓭᓕᕕᒃ-ᒥᒃ. ᐃᓚᐅᖃᑦᑕᓯᒪᔪᖅ ᒪᖃᐃᑦᑎᑦ ᐊᒻᒪᓗ ᒥᑭᒋᐊᕐᓂᐊᑏᑦ ᑲᑎᒪᔨᖏᓐᓄᑦ 2011-ᒥᓂᑦ 2017-ᒧᑦ ᐊᒻᒪᓗ ᐃᓚᒋᔭᐅᓯᒪᑦᓱᓂ ᕿᑭᕐᑖᓗᒻᒥ ᐃᖃᓗᓐᓂᐊᑎᖏᓐᓄᑦ 2011-ᒥᑦ 2017-ᒧᑦ.